...✍️ Kimajongte.
Mizote kûtpui Chapchar Kût kan
thleng leh ta reng mai! Hmanlai kan pi leh pute kha lo nei mi an ni a. Lo neih
loh chu chhungkaw châwmna atana eizawnna dang an nei hran lova. Rim taka thawkin
kumkhat ei thar hram hram an tum á¹hin a. Lo an vât a, an vahthlûkte chu
"chap" an ti a. Chap chu hâl theiha a ro hma chuan an âwl ve a. Hetih
lai hi an hunâwl neih ve chhun, an hahdam ve theih lai tak a ni hial ang chu.
Hetianga an âwllên lai tak hian chap nghah ro pahin Chapchar Kût hi an hmang á¹hin
a (Chapchar Kût bâk ah hian hun hranah Mim Kût leh Pawl Kût te pawh an lo nei á¹hin
bawk). Chhungkaw tinten lo an vat zo ta a. Lal chuan a Upa leh Khâwnbâwlte chu
a ko khawm a, "Khawnge, Kût i ur ang u hmiang," tiin a khua leh tuite
dinhmun thlîthlâi turin Upa leh Khâwnbâwlte chu a tirchhuak ta a. Anni chu in
tinah kal chhuakin, mi harsa zual kût sa ngaihtuah ngaihna hrelo emaw sa kâp
theilo, thang pawh kam ve thei lo, ar takngial pawh Kût ni tûka talh tur nei ve
lote an awm chuan Upate chuan lal hnênah an rawn hriattir ta vat a; hei hi
"Chawngtilreh" an ti. Lal chuan a rapchung a mi Sezang ti rêp á¹ha
ngat chu chutiang mi harsate hnenah chuan Kût Sa atan a pe ta á¹hîn a ni. Hei
hian Mizote Chapchar Kût hi miliân leh mi tê inthliâr lova inhmangaih tawnna
entirna a ni, tih a tilang chiang hlê a; Kût laiin nupa pawh an inhauvin an
inti tlân ngai lova, "Kût ni ah an inhau ngai lo" an lo ti á¹hîn.
Chuvangin, kan Pi leh Pute dânah Chapchar Kût ni hi chhungkaw tinah, khawtlangah
leh kan in á¹henawm khawvênna ah "Inhmangaihna Ni a ni," kan ti thei
ang.
Tute nge Kût ni ah rûi á¹hin? tih
hi sawi kâi lawk teh ang: Tlangval huaisen, sapui sahrang hmaa zâm ngai lo, ral
lakah pawh chechhuak hmasa-a á¹ang nalh nalh á¹hîn, lal leh a khua leh tui-ten an
thlamuanpui chu lalin a chawimâwi á¹hîn a; pasalá¹ha tawlhloh puan bahtîrin lal
chuan "Huaino" a dawmtîr á¹hîn a. Huaino hi lal chauhin zu in nan a
hmang á¹hîn a, lal NOPUI a ni. Seki no a ni. Hetianga lalin huaino a dawmtîr
tlangval chu a nu leh pa pawhin an chhuan êm êm rualin, an fapa chu eng hunah
pawh khawtlang tana a nunna chan mai tûrah an ngai hmiah mai á¹hin a; "Chî
a thlah hman lo ang e," tiin nupui pawh an zawnsak ruai ruai á¹hîn! Hetiang
pasalá¹ha hi Kût ni-ah pawh lal chuan a duhsak bîk a; rûi hnêp khawp pawhin zu a
hrai á¹hin a; Ṭhenkhat sawi danin, pasalá¹ha, lalin a duhsak bîkte chuan an lo
"kai" deuh á¹hîn a ni pawhin a lang! Hemi ni hian mi nazawngin rûi
hnêp khawp khawpin zu an in ve ngai lo!
Hetiang thilte kan sawirîk tâk-ah
chuan, heng zawhnate hi ka siam duh: Tunlai kan á¹hangtharte zingah Kût ni-ah
tute nge rui á¹hîn le? Khawtlangin kan thlamuanpui tlangvalten an rûi bung bung á¹hîn
em? Kan veng mi hnawksak kan tihte, mi puanpho seng chîngte leh hnathawk
peihlo, YMA leh khawtlang thiltih ahte pawh tel peih meuhlo-te hi a rûi rûi an
ni tawh zâwk em aw?! Kan sawina êng aá¹ang khi chuan Chapchar Kût hi hun bîk
pawh thlu lova rui reng mai ho "Ni" a ni ve chiah pawhin a lang lo!
Chapchar Kût hi Mizote nuna bet
tlat inhmangaih tawnna pholan-na ni a ni a. Nula, Tlangval chhuanawm tak takte
"Ni" a ni lehzual a. Chuvangin, vawiin na na na chu Mizo takin kan
hlim ang a, kan ri bung bung ang a, lâm kan thâi ang. Kût ni ah an inhau ngai
lo ve!
Chapchar Kût chibai le.