3rd March, 2023: Hmannia CM Pu
Rama'n case a neih leh neih loh chungchanga Pu Duha leh Pu Rintluanga inhnialna
kha ka phak tawkin ka zir chiang ve a, a lan danah chuan; Lokayukta-ah hian
miin eirukna thila inhnamhnawih nia rinhlelh an neih chuan, complaint an
thehlut thei a. Chu an complaint thehluh chu Lokayukta lamin an han zir chiang
a, chhui tlak nia an hriat chuan chhui zui turin case an register ta a. Case an
ziah luh avangin kha mi khan case a nei tihna a ni.
Amah erawh chu, chu an case
registered chhui zui tur chuan Mizoram Lokayukta hian investigation wing a la
neih ve loh avangin, CBI emaw ACB te a hmang thei a, CBI hi state sorkar hian a
koh luh duh thin loh avangin state sorkar hnuaia Anti Corruption Bureau (ACB)
te chu loh theih lohin an hman a ngai ta thin a ni. An mi chhui turte kha
sorkara mi thil ti thei leh ram hruaitute an lo ni a, chhui tura tihna order an
hmuh atanga ni 45 chhunga report thehlut tur an nih laiin, engmah ti ngam lovin
case kha an pending ta veng veng mai thin a ni ber a.