ZAN REI NAWI
David Sailo
21st February 2023
Thil pathum...
A hmunah ngei kala an endiknaah chuan CAG chuan hei hi an hmuchhuak bawk.
1. Bungmual aṭanga Melpui panna Link Road Jeep kal theihna (Jeepable) laih hna Nuai 5 man thawh chu Jeep kal theihna a ni lo.
2. Haulawng aṭanga tlawng kawng panna kawng, Km 2 a thui, Boulder phah tura tih Nuai 30 man hnathawh chu Km 1.7 thleng chiah phah ani.
Hetiang hi a la ni nuai mai.
Kulikawn veng chu G-20 Summit thlen turah Sorkar in an veng kawng tifaia ṭum hnih tal hnatlang turin a beisei a ni awm a. Kulikawn Local Council chuan hma an la ngei a, tun inrinni, 25th February hian hnatlang an ko ta a, mahse hnatlang lo chuan Rs.300 a phat tur tih leh pha lo hnatlang bawk lo chu Rs.500 a RÛN tur an han ti riap mai hi G-20 Summit tuar hmasa ber veng an ni awm e!! Sorkar in a beiseia a ngen laia heti zat zat lo intuk hi eng dan tak ni maw?!!
Thlalaka mi hi tunge ka hre lo, a fate pawh ka hre lo. Mahse inzir nan hmang teh ang. Mipa Coat/Blazer ah hian awm veilam ah hian ipte ang deuh (Breast Pocket) a awm a, hei hi PEN paina emaw ti tlat an awm ṭhin. Sap ṭawng chuan "Pocket Square" dahna an ti a, chu chu Rawmawl ang deuh, Waistcoat rawng emaw Necktie mil rawng ang chi zehna tur a ni. Pen paina tur a nilo.
Thlalaka mi hi chu tupawh nise, thuhranah ngai ta ila, hetianga mipa Coat a awm Breast Pocket an tih maia Pocket Square nilo, pen pai ṭut duh Coat/Blazer ha i hmuh chuan ngaihdan siam thiam mai la, a lo la hre lo a nih chuan hrilhfiah ang che.