CHAWM BAWK HAWP BAWK
David Sailo
23rd February 2023
Pal baw bawk aw...
ENGNGE PMJVK CHU ? Pradhan Mantri Jan Vikas Karyakram(PMJVK) hi hnam tlem zawk te chawikanna tur scheme niin hemi hnuaiah hian hnam tlem zawk te chu Education, Health leh Skill Development lama tihhmasawn hna thawh thin a ni. Central Project niin kan ramah pawh District pathum ah kalpui a nih hnu ah Aizawl pawh a tel ve ta a, sum hi tam tham hle.
MAHSE !!
Kan ramah chuan Health, Education leh Skill Development lam ai chuan Sport Department ah a tam zawk pawh pen vek a ni a, a Scheme in a tum dan kal pelin Sport changtu tlaktlum zarah kum 2022 chhung khan he sum lo kal zinga 56% (Nuai 20000 chuang fe) chu a Criteria a tel miah lo Sport Department hian an pawt peng thei nia!! Health an ro tlawk tlawk a, Education chu NABARD sum, Nuai 3000 chuang puk ngaia kan siam laiin an chanvo heti zat hi Sport Department changtu chuan a pawtpeng daih thei a nih chu!!
TU MINISTER CHAN NGE ?
A changtu chu District Council & Minority Affairs (DC&MA) Department a ni a, he Department changtu chu Pu R.Lalzirliana a ni. A ni hi NECS neitu ṭhin, tuna Sport Minister nena in hre ṭha tak, a Car thar pawh hawn sak tu kha a ni.
Tichuan PMJVK hnuaia hna awm reng reng chu NECS (Robert Romawia Firm) chauhin Concept Note leh DPR an siam theihna turin 17th June 2022 khan MOU an Sign ta hmak a nih chu!!
NECS biak ṭhat tumlo Minister apiang chu PMJVK Scheme hnuaiah hian an ro tlawk tlawk mai a, chu chu intithei takin House ah meuh pawh Sport Minister, NECS neitu ber hian Minister dangte chu DPR siam thiam lo lek lekin a puh ti tih a nih kha.
ENGZAT NGE KAN DAWN ?
Kum 2018 aṭanga 2023 thleng khan hriselna, zirna leh thiamthil lama hmasawnna PMJVK a kan dawn zat chu Nuai Sing khat sangriat chuang fe a ni tawh a, mipui hian ngaihven a hun tawh reng a ni. A duh duh, a thei theiin a hmanna tur ni lova a chanve aia tam mah an duh thâla an pawtpeng hmiah hmiah hi ngaimawh a hun tawh. Sport Minister hian pawhpen hmang bak hian hnathawh a lo thiam tak tak lo em ni?
UNSTARRED QUESTION :
Heti taka chawm bawk, hawp bawk, palbaw bawk Minister hi hei hi ka lo zawt ve ange.
Thlalaka ka lo dah ang hian..Assembly zawhna ziaka Pu R.Lalzirliana chhanna hi amah leh mipuiin en ho teh ang u.
Kum 2018-2023 chhunga PMJVK hnuaia Project zawh fel tawh leh la zawh fel loh zawhna chhanna ah hian thil thuhmun, chhanna in ang hlek lo hi engnge a awmzia ni ta le?
Chhanna 1-na :
Establishment of IT Skill Development and Training Centre in Minority Concentrated Areas of Mizoram under PMJVK Scheme. Project man zat, Nuai 693 niin Contractor la thlan loh a ni a, pawisa hi November ni 22, 2021 ah dawn angin chhan a ni a, tun thlenga Contractor la thlan loh a nih chuan engtinnge sum hman ralna (UC) hi Central ah in thawn thlak? Nuai 600 chuang hi khawiah nge tunah a awm?
Chhanna pahnihna :
ICT Department ah Establishment of IT Skill Development and Training Centre in Minority Concentrated Areas of Mizoram under PMJVK hnuaiah hian Project la zawh fel loh pakhat a awm tih a ni bawk si.
Nuai 600 chuang pawisa dawn tawhah Contractor pawh 2023 thlenga la thlang fel lo a Report hi zawhna pakhat tho chhanna ah zawh fel loh pakhat chiah awm ti a tarlan ni bawk hi Pu Zir, min hrilhfiah thei em? Ziaka i chhanna kan lo biha kan hmuhchhuah ve a ni e.
TLIPNA :
Project lian tak, PMJVK hnuaia khawih turah Pu Lalchhandama Ralte te, Dr.R.Lalthangliana te a changtupa ber ni a Report ngah ber tura ngaih an nih laia he Scheme a tel ve lo mi duhâm taka ngaihtheih, Sport changtu chu a CHANGTUPA bera i siam hi CM in ti tura a tih vang che nge he Scheme i zirchian hnu a mawlmang taka i chetdan ni zawk tih hi Pu R.Lalzirliana kan zawhna che a ni a, 56% Sport a i kaltir daih hi chanvo i neih ve vang zawk em ni le?