Hagen-a
an nawrh luhna Car-ah chuan driver tiamin mi pali an chuang a. Seat hnung
lamah,
nichina kawtthlera lo chhuak mi pahnihte inkarah Hagena chu an dah a. Hagena
dinglama mi chuan Hagen-a lukhum chu a mit chhin khawpin a tih kunsak
a, “Ti che hlek suh ang che,”a ti zuia. Rei lote chhung an tlan a, Minute
sawmhnih lo liam a ni awm lo ve, Car atanga an chhuah chuan
Hagen chuan a thim avangin chulai bawr vel chu a hre thei lo. Inhnuai pindan lamah hruai
lutin choka chair pangngai angah hian an thut tir a.
Sollozzo
chu amah hmachhawn zawngin chairah a thu a. A hmai uk kharh chu
mulukawlh
hmel dangdai tak pawh a ang thei lek lek mai.
“Hlauhlawpa
awm turin ka duh lo che a,” Sollozo chuan a ti a. “Chhungkuaa a tharum
thawh
lo pawl i ni tih ka hria, Corleone ho tanpui a, keimah min tanpui bawk turin ka
duh che a ni.”
Sikret
a zuk zawng chuan Hagen-a kut chu a khur dar dar a. An zinga pakhat chuan
whiskey
rawn lain novah a thlitsak a, Hagen chuan phur taka lo inin chu chuan
hlauhthawn
avanga
a kut khur leh a ke zawi chu a tireh deuh a.
“I
boss chu a thi a,” Sollozo chuan a ti a. Hagena mita mittui hnam sawk a hmuh
chuan
mak
a ti hle. Chutah sawi zawm zelin, “A office kawtah kan nangching a ni,
kawtthlerah khan.
Thu
ka dawn veleh ka rawn la nghal che a nih hi. Sonny nena kan inkara remna leh
muanna siamturinkaduhcheani.” Hagen chuan a chhang lo. A tawrhna avang chuan mak a inti
deuh hle. Khawharna leh thih a hlauhna inpawlh vang pawh a ni ang e. “Sonny chuan ka
dawrna che u kha a ngaihven viau a, a dik em? Thil tih tur tha tak a nihzia chu i hria
alawm. Ruihhloa sumdawnna chu lo thleng tur a ni hrim hrim a. Kum hnih khat chhung leka tute
tan pawha hausakna tham lawih pawisa tam tham tak a awm a ni. Don chu putar ‘Moustache
Pete’ a ni a (Moustache Pete- New York khawpuia Sicilian Mafia puitling nih hnua lut ho bik an
koh na.) A hun a liam tawh a, a inhre lo mai a ni. Tunah chuan a thi ta a, engmahin a hruai
kir thei tawh lo. Indawrna thar siam turin ka inpeih a, chumi atan chuan
Sonny be turin ka duh che a ni.” Sollozzo bawk chuan a ti a.
Hagen
chuan, “Chance i nei lo vang, Sonny chuan a theihna zawng zawng nen a bei dawn che a ni.” Sollozzo
chuan dawhthei lo zetin, “Chu chu a chhanletna hmasa tur reng a ni. Awmze neia awm tura
biak i tum dawn a ni. Tattaglia chhungkua leh an mite zawng zawng chuan min puibawm dawn
a, New York-a chhungkaw dangte chuan kan inkara indona- chi kim (all-out war) awm chu
titawp turin engpawh tih an huam bawk dawn a ni. Kan indona chuan anmahni leh an sumdawnna
a nghawng dawn tlat a. Sonny chu ka rawtna anga a kal chuan he rama
chhungkaw
dang te chuan an buaina tur ni loah an ngai mai dawn a ni, Don thian tha ber berte pawhin.” Hagen chuan
ama kut chu a thlir tlawk tlawk a, a la chhang chuang lo. Sollozzo chuan hmin tum
takin a sawi leh a, “Don chu a tawlh sual palh hlauh a ni. A hma zawng kha
chuan
khawih
theihna hun remchang ka nei miah lo va. Mahse Consigliere atana Italian mi ni
lo, Sicilian ni
miah lo lehzual a ruat che avang khan Chhungkaw dang chuan an ringzo ta lo a
ni. Indo-chi kim
a chhuak a nih chuan Corleone chhungkua chu chhut sawm a ni ang a, mi zawng zawngin tan
hlohna a ni ang, keimah tiamin. In chhungkaw Politics thiltihtheihna kha pawisa
ai pawhin ka
mamawh zawk a ni. Chuvangin Sonny chu bia la, Caporigime (Mafia chhungkua-a sipai hotu
lu, Captain ang a ni ber ang chu. Boss leh Consigliere hi inkawp ang an nia, a
hnuaiah
under
boss an awm a, chu mi hnuai chiahah chuan Caporigime ho an awm, an hnuai lehah
hian Button man an
tih, sipai ho an awm thung. heng mite enkawltu ber an ni-Loma) ho pawh bia la, thisen tam
tak chhuak i chhanhim tihna a ni mai.” Hagen chuan Whiskey dang dil belh nan
a no chu a lek chhuak a. “Ka lo tum ange,” a ti
a.
“Mahse Sonny chu lung lian tak a ni a. Chubakah Sonny meuh pawhin Luca a dang theih
lo
vang.
Luca i venthawn a ngai a nia aw. I dinhmun ang hi chu ni ila Luca hi ka
ngaihven viau
ang.”
Sollozzo
chuan zawi supin, “Luca chu ka lo buaipui mai ang. Nangin Sonny leh naupang
pahnihte
kha lo buaipui thung ang che. Vawiinah khan a pa rualin Freddie pawh kha hmer
tel
theih
a ni a, mahse ka mite ho chu kap tel ve lo tura khauh taka thupek an nih thute
pawh i hrilh
thei
ang chu. A tul bak bak thlen tira tih nat kha ka duh lo a ni. Freddie chu
keimah avang chauha dam a ni tih i hrilh thei bawk ang.” A tawpah
chuan Hagen chuan ngaihtuahna a hmang thei ta a. A hmasa berah Sollozzo chuan thah a
tum lo a, hren a tum lo bawk tih a hre thei a. Hlauhna atanga ngaihngam ta
huaia a
han
awm thut avanga zahna chuan a tisen tawn tawn a. Sollozzo chuan hrethiam taka
nui chungin a lo
thlir reng bawk a. Sollozzo duh ang a pawmpui lo a nih chuan. thah a ni maithei
a ni. Mahse
Sollozzo chuan sawi ringawt turin a beisei a ni tih a hre tawh a, uluk taka va
thlen
turin,
Consigliere a nihna anga a mawhphurhna ang ngeiin. Tunah chuan a han ngaihtuah
chiang
a,
Sollozzo chu a dik a ni tih a hria. Tattaglia leh Corleone inkara indona tawp
thei lo awm tur chu engti kawng zawng pawha pumpelh dan zawn ngei ngei a ngai
a ni. Corleone chuan an mitthite chu an phumin an theihnghilh ang a, indawrna chu an
siam mai tur a ni. Chutah hun remchang a lo thlen veleh, Sollozzo chunga phuba lakna lam an
hawi thei ang chu. Mahse a han en chho chuan, Sollozzo chuan a ngaihtuahna dik
tak chu a hre vek tih a hria a. Turk pa chu a nui vur vur a ni. Sollozzo-an a ngaihsak loh
riauna chhan awm turin Luca Brasi chungah eng nge thleng ta ni ang? tih chuan Hagena
ngaihtuahna chu a deng dawt a. Luca chuan indawrna a neihpui em ni? Don
corleone-an Sollozzo rawtna a hnial zan khan, Luca chu officeah Don nena inbe
tura koh a ni tih kha a la hre reng a. Mahse chung thilte chu tuna ngaihtuah a
la ngai lo ang
chu.
Corleone chhungkaw kulha him takah a let leh vat a ngai a ni. “Ka
theihtawp ka lo chhuah ang e,” Sollozzo hnenah chuan a ti a, “I sawi dikin
ka ring, Don ngei pawhin ti tura min duh a ni ngei bawk ang.”
Sollozzo
chu a bu nghat a, “A tha e. Thisen chhuah hi ka duh ngai lo a. Sumdawngmi ka
niin
thisen chuan pawisa tam tak a khawhral tlat a ni.” a ti a. chutih lai chuan
Phone a lo ri a,
Hagena
hnunga thu pakhat chu kalin a va chhang a. A gaihthlak vang vang hnuah bung
zetin,
“OK,
ka lo hrilh ang e.” a ti a. Phone chu a dah a. Lo pheiin Sollozzo beng bulah
chuan a hrilh ru ta a. Hagen chuan Sollozzo-a hmai dang sawp sawp leh a mitmeng
thinur avanga vam ham
chu
a hmu a. Amah pawh chu hlauhna avangin a mur ur ur a ni. Ngaihtuah nei tih
hriat zetin
Sollozzo
chuan a rawn en vang vang a, chutah Hagen chuan chhuah zalen a ni mai dawn lo
tih a
hre
ta a ni. Sollozzo chuan, “Putara chu a la dam a ni. A taksaah silaimu panga lut
chungin a la dam a ni.” Beidawn hmel takin a dar a chhin uk a,
“Vanduaina,” Hagena hnenah chuan a ti a, “I tan leh ka
tan.”
Michael Corleone-an Long Beach-a a pa
in a thlen chuan Mall luhkaah chuan thirkhaidiat a lo inzam
chuat a. Mall pawh chu Building pariata pawna dah chi eng awm vek avang chuan a eng tha hle
a, kawngsir kea kalna bulah chuan a tlem berah car sawm vel tur hi a lo ding
bawk a.
Thirkhaidiat
bulah chuan a hriat ngai loh mi pahnih hi an lo ding a, pakhat chuan brooklyn
lam awphawi deuh
hian, “Tu nge i nih?” a lo ti a.
Ani
chuan a hrilh a. in hnai ber atang chuan mi pakhat lo chhuakin a hmaiah chuan a
rawn
en chiang a. “Don fapa a nih hi,” a ti a. “In chhungah ka hruai lut ange,”
a ti a.
Michaela chuan a pa in lam pan chuan a zui ta a, kawngkhara mi pahnih dang lo awmte
chuan amah leh a hruaitu chu an luhtir ta a. Living room a luh hma chuan In chhungah chuan a hmelhriat loh
miin an khat vek ni maiin a lang. Chutah chuan Michaela chuan Tom Hagen-a nupui,
Theresa chu a hmu a, Sofa chungah chuan ngil ata thuin sikret a lo zu a. A hma dawhkanah
chuan Whiskey no a lo awm bawk. A sir lehlam Sofa chungah chuan Clemenza ruangam
lianpui chu a lo thu bawk a. Chu Caporigime hmel chu a ngeng ngulh a, mahse a thlan a tla
nasain a kuta sikret a ken pawh chu a fawp huh hlup tawh a ni. Clemenza
chuan thlamuan nan ti niawm taka a kut rawn pharin, “I nu chu Damdawiina I pa bulah a
awm a ni, a tha em em ang.” tiin a phun sup a. Paulie Gatto chu chibai turin a
rawn ding chhuak
a, Michaela chuan chik zetin a lo en a. Paulie chu a pa Bodyguard a ni tih a
hria a,
mahse
chu mi ni chuan dam loh avangin inah a awm tih a hre lo a ni. A hmai thim
raihah chuan a insang mar teuh tih a hmu thei. Gatto chu tih tur
tihlawhtling zel thei mi nia hriat lar a ni tih a hria a.
Harsatna awm miah lova rang taka tih tur tifel zung zung mi a ni a, vawiinah
bodyguard a nih anga a tih tur ti lovin a awm ta a ni. Room kil lama mi
dang awm thap pawh chu a hria a, mahse tute mah chu a hmelhriat an awm lo. Clemenza-a hote an
ni tlat lo. Chung thil te a han vuahkhawm chuan Michaela chuan Clemenza leh Gatto chu
rinhlelh an ni tih a hrethiam ta a ni. Thil thlenna hmuna Paulie chu awm vea
ngaiin, tlangval hmaisawl rat hnenah chuan,“Freddie eng nge a an?
A tha em?”
“Doctor-in
a chiu a,” Clemenza chuan a ti a. “A muhil mek a ni.” Michaela
chuan Hagena-a nupui chu a pan a. Kun hniamin a biangah a fawp zauh a. An inngaina dun
viau thin a ni. “Lungngai reng reng suh. Tom chu a tha leh mai ang. Sonny i be
tawh
em?” a ti a. Theresa chuan a lu a thing a. Hmeichhe derthawng leh hmeltha
tak, Italian lam aia American hmel pu zawk hi a ni a, a hlauhthawn hmel hle bawk.
A kut chu lain Sofa atang chuan a pawt tho a. A pa Office lamah chuan a hruai ta a.
Sonny
chu dawhkan bula chairah chuan hnung lam ngheng ar arin a lo thu a, a kut leh
lamin
note bu a keng a, a kut lehlamin pencil. Rooma midang lo awm ve chhun chu
Caporigime
Tessio
chauh a ni a, Michaela chuan a hriat theih nghal mai bakah in chhung leh pawn
lama awm ho kha a hote an ni tih a hre nghal mai a. Ani pawh chuan pen
leh note bu chu a keng ve tho a ni. Sonny-an a rawn hmuh chuan chair atang chuan a lo tho a,
Hagen-a nupui kut chu vawn sakin, “Lungngai reng reng suh Theresa,” a ti a. “Tom chu a
tha e. Rawtna thlentu atan chauh an hmang dawn a ni, an rawn chhuah vat ang tih an sawi a ni.
Bakah kan lawyer a ni a, Thil tihna tak takah a tel ve hleinem. Midang ten an tihnatna chhan tur
a awm ve lo.”
Theresa chu thlahin Michaela rin loh takin amah pawh chu a rawn kuah a, a
biangah a fawp a. Sonny chu nam kianga ner nawng chungin, “Kut min
thlak fo thin kha ngaiah ka neih
hnuah
hetiang hian ka ti anga maw?” a ti a. Naupang an nih laiin an insual fo thin a
ni.
Sonny
chuan a dar a chhin ak a, “Ngaithla teh naua, I awmna Khaw tereuhtea an hmuh
loh
che avang khan ka thlaphang hman asin, an lo kuk thlu palh ang che tih hlauh
vang ni lovin,
Pitari
hnena chanchin tha lo hrilh ka duh loh zawk vangin a ni. Pop chungchang ka
hrilh kha a
ngai
lehnghal a.” “Engtin nge a dawnsawn dan?” “A tha,”
Sonny chuan a ti a. “A hmain a lo paltlang tawh a ni. Keipawhin. Khati lai kha chuan hre
turin in la naupang em a, in rawn than len hnuah hi chuan thil a kal tluang ta
mai pawh a.” a han ngawi vang vang a, “Damdawiin lamah putara bula awm
turin a chhuk ta nih kha. Putara pawhin a tuar chhuak leh ang.”
“Keini
pawh kan chhuk dawn em ni ang?” tiin Michaela chuan a zawt a.
Sonny
chuan a lu a thing a, ro halhin, “A tawp fel vek hma chu he in hi ka chhuahsan
thei
tlat
lo,” a ti a. Phone a lo ri a. Sonny chuan lo lain uluk zetin a ngaithla a.
Chutia a ngaihthlak lai chuan Michaela chuan dawhkan chu a va bih satliah a, Note
bu-a Sonny-a thil ziah sa chu a zuk bih a. Hming pasarih inziak tlar a ni. A hmasa pathum te chu
Sollozzo, Phillip Tattaglia leh John Tattaglia te an ni. Sonny leh Tessio
ten thah tur list an siam lai an va nangching a ni tih Michaela chuan a hre
nghal mai a. Phone a dah hnu chuan Sonny chuan Theresa leh Michaela hnenah
chuan, “In pahnih khan pawnah in lo nghak lawk dawn em ni ang? Tessio nen hian
tih zawh loh tih tur pawimawh tak kan nei a.” a ti a.
Hagen-a nupui chuan, “Kha kha Tom-a chungchanga an biakna che em ni?”
tiin chang deuh takin a lo zawt a, hlauhthawn luat avangin a tap zui
nghal bawk. Sonny chuan kuah pahin kawngkhar lamah chuan a hruai phei a. “A tha tih ka chiang
alawm,” Sonny chuan a ti a. “Inkawmkhawmna pindanah lo nghak rawh aw. Thu thar ka hriat
veleh ka lo hrilh nghal vat ang che.” A chhuah hnu chuan Sonny chuan kawngka chu a khar nghal
a. Michaela chu savun chair lianpuiah chuan a thu thla ve nghal a. Sonny chuan melh kawk
pahin dawhkan piah thutna chu apan ve nghal a. “Kan bulah i
awm ve a Mike,” a ti a. “I hriat duh loh thil i hre nual dawn a ni.”Michaela
chuan sikret tan pahin, “Ka pui thei ang che u.” a ti a.
“Aih,
i thei lo.” Sonny chuan tiin, “He thila ka intah luhtir che chuan Putara chu ka
chungah
hremhmun tlukin a sa mai ang.” Michaela chu a ding a, “Nang sawn tenawmpa, Ka pa a ni a,
tanpui tur ka ni lo’mni? Ka tanpui thei a ni. Pawna chhuakin mi va thah kher a ngai lo,
mahse ka tanpui thei. Naupang chhe enin min en tawh suh. Indonaah ka tel a, kah hliam pawh ka
ni, i la hria em? Japan ho thenkhat pawh ka that asin. tu emaw i kuk thluk laiin eng nge lo ti
ila i ngaih? Thidanga awm maw?” tiin a unaupa chu a an khum a.
Sonny
chu a then sak a, “ A tha alawm, awm ve rawh. Phone i lo buaipui thei ang chu.”
Tessio
lam chu hawiin, “Phone call ka dawn zawh chiah khan kan thil duh chu min pe ta
a ni.”
Michaela lam a hawi leh a, “Tu emawin putara chu an phatsan a ni. Clemenza
a ni thei a, Paulie Gatto, remchang taka vawiina lo damlo pawh a ni thei bawk. A
chhanna chu ka hre ta a, Eng anga fing nge i nih i han en teh ang, Mike, College zirlai i
ni bawk a. Sollozzo hnenah tunge inzuar ta ni ang?” Michaela chu thu lehin chair
nghenchhan chu a ngheng ar ar a. Uluk takin a han ngaihtuah a,
Clemenza chu Corleone chhungkaw Caporegime a ni a. Don Corleone chuan Millionaire-ah
siamin kum sawmhnih chhung zet chu thian hnai tak an lo ni tawh a ni. He pawlah hian
dinhmun sang ber pawl a chelh bawk. Clemenza chuan Don a phatsan chuan eng nge hlawkna a
hmuh ang? Pawisa tam zawk maw? A hausa tawk tawh viau a, mahse mihring chu duham chin
tawk nei lo kan ni tlat. Thiltihtheihna nasa zawk em ni? Inhmuhsitna emaw
dinhmun
derthawng
nia ngaih vang emawa phuba lakna em ni? Nge ni a, Hagena Consigliere-a dah a
nih avangin?
Sumdawng rilru atanga thlira Sollozzo chak zawk tura ngaih vangin em ni zawk?
Ni lo,
Clemenza
chu phatsantu a ni thei lo, chutah Michaela chuan a nih theih loh nachhan chu Clemenza chu
thi lo se a duh vang chauh a ni tih a han ngaihtuah chhuak leh a.
Naupang
thang tir a nih khan pa thaua chuan thilpek a rawn ken sak fo thin a, Don a
buai
changin
a len vahpui thin bawk. Clemenza chu phatsantu thiam loh chang a nih a ring
thei lo.
Lehlamah
chuan Sollozzo chuan Clemenza chu Corleone chhungkuaa midang zawng
zawng
aiin a thuhnuaia dah a duh a ni thei bawk.
Michaela chuan Paulie Gatto chu a han ngaihtuah leh a. Paulie chu a la
hausa ve chiah lo. Tha taka ngaihsak a ni a, he chhungkuaa a dinhmun chu chiang
viau mahse midang ang bawkin a hun zawng zawng hman a ngai ve tho a. Chubakah rawlthar ho
suangtuah thin angin thiltihtheihna zau zawk a ngaihtuah ve thei bawk. Chutah
Michaela chuan pawl ruk a nih lain Paulie nen pawl khatah an thu ho tawh tih a han hre chhuak a.
Paulie-a tih ni tur pawh chuan a duh chuang lo. A lu a thing a, “An ni lo ve ve,” a ti a, Mahse chu chu
Sonny-an a chhanna a neih sa avanga sawi mai a ni. Vote lak tur ni ta se, Paulie lamah
chuan a Vote ngei ang. Sonny chuan a lo nuih a, “Lungngai suh,” a ti a. “Clemenza
chu a tha e, Paulie Gatto a ni.” Michaela chuan Tessio hahdam ta huai chu a lo hmu a. A
Caporegime pui a nih angin Clemenza khawngaihna chu a nei ni ngei tur a ni. Rinawm lohna
a sang lem lo a nih chuan lak thu tak vak a ni ngai lo bawk a ni. Tessio chuan fimkhur
takin, “Chutia nih chuan naktukah ka hote ka haw tir thei dawn tihna em
ni?” a ti a. Sonny chuan, “Naktuk tuk lehah le, chu mi hma chuan tumahin
an hriat ka duh lo. Ngaithla teh, Chhungkaw thil tak tak, mimal thil deuh ka
unaupa hi sawipui ka duh a. inkawmkhawmna pindanah i lo va nghak lawk dawn em ni ang?
Nakinah kan ti zo mai dawn a nia, Nang leh Clemenza chu thawk dun tur tho in ni a.” a ti
a. “Lutuk,”
Tessio chuan a ti a, a chhuak nghal a. “Engtin nge Paulie a ni ngei tih i
hriat chian theih?” tiin Michaela chuan a zawt a. Sonny chuan,
“Telephone company-a mi thian kan nei a, Paulie-a phone call dawn leh hman chhuah
zawng zawng an chhui vek a, chutiang bawkin Clemenza pawh. Paulie dam loh ni thum chhung
khan Putara office building ep phone booth atangin call a dawng a ni. Vawiinah pawh khan.
Paulie chu a kal leh kal loh emaw a aiah midang an kal em tih hriat chian nan
an hmang a ni.
Emaw, thildang pawh a ni maithei bawk. A pawimawh lem lo ve.” A dar a chhin ak a, “Paulie a
ni chu a lawmawm zawk hle, Clemenza hi kan mamawh takzet a ni.”
Michaela
chuan, “Indo-chi kim a ni ang em?” tiin a zawt a.
Sonny-a mitmeng chu a rum sawt a, “Tom-a a lo thlen veleh chu chu tih ka
tum chu a ni. Putar-an thil dang min hrilh a nih loh chuan.” Michaela
chuan, “Eng vangin nge Putaran a hrilh theih hun che i nghah mai loh?” tiin a zawt leh a. Sonny chuan
mak ti takin a en a, “Eng tin teh hrep nge khang indonaa Medal te kha I dawn theih
le? Silai hnuaia khawsa kan nih hi bawiha, kan beih a ngai alawm. Tom-a an
chhuah
lovang
tih chauh a ni ka hlauh ni.” Michaela chuan chu chu mak a ti hle, “Eng vangin nge an
chhuah loh ang?” Sonny chuan dawhthei takin, “Tom an hren chhan chu Putara chu
boral niah ngaiin, keimah nena indawrna min neih pui an tum a ni. Tom-a chu
hmahruaiah hman a, an rawtna thlentuah an duh a ni.Tunah putara chu a la dam a, indawrna
ka neih pui thei lo tih an hre ta a, Tom-a chu an tan tangkaina a awm ta
lo a ni. An chhuah tir emaw, an paih bo emaw a ni ang a, Sollozzo duh
dan danin a ni mai. An lo paih bo ta a nih chuan buaina tak tak an duh tih min hmuhtir an
tumna a ni ang a, min nawrna a ni dawn a ni.” Michaela
chuan zawi sapin, “Engin nge Sollozzo chu indawrna neihpui theih i ni tih hriattir a?”
a ti a
Sonny
chu a sen tawn tawn a, a chhang lawk lo. Chutah, “Thla tlemte liam taah khan inhmuhkhawmna
kan nei a, Damdawi ruihtheih lama sumdawnna chungchang rawtna kengin Sollozzo chu
a lo kal a ni. Putara chuan a lo hnar fithla thak a. Mahse chutih lai chuan ka
lo kam
tam
deuh a, Indawrna chu ka duh tih ka lo ti lang a; Chu chu thil tih loh tawp tur
a ni a.
Thil pakhat, chutiang thil, chhungkaw chhungah ngaihdan hrang a
awm a ni tih chu pawn lam mi hriattir loh tawp tur a ni tiin putaran min kamkhat a.
Tichuan Sollozzo chuan hrethiamin, Putara chu dah bo a tum ta a ni. Damdawi
ruihtheih lam sumdawnna chu ka tihpui a ngai dawn a ni. Putara a awm
loh chuan chhungkaw thil tihtheihna chu a chanveah a tlahniam dawn a ni. Putaran a lo
huikhawm tawh sumdawnna hi ka nun pum thapa ka beih a ngai tho a.
Damdawia
sumdawnna chu thil lo thleng tur tho a ni a, kan luh ve tho a ngai a ni.
Sollozzo-an
Putara
a kukthlukna hi sumdawnna thil liau liau a ni a, mimal thil a ni lo. Sumdawnna
ang
zawnga
thlir chuan a ruala ka kal a ngai a ni. Ni e, hnaih lutuk chuan min awm tir lo
ang, eng
emaw
thulhah chiang taka ka kah theih loh dan tura awm a duh ngei ang. Mahse a
rawtna ka
pawm
a nih chuan chhungkaw dang te chuan kum hnih thum a liam hma chuan indona ka
tan an
remti
dawn lo tih pawh a hre tho a ni. Chubakah, Tattaglia chhungkuain an puibawm
bawk a.” a ti a. “Putara hi lo dahtha thei ta se la, eng thil nge i tih ang?”
Sonny
chuan awlsam takin,“Sollozzo chu thi chiang sa a ni mai. Eng zat nge a man tur
tihah
ka buai lo. New York-a chhungkaw pangate hi bei dawn pawh ni ila ka pawi ti
teuh lo.
Tattaglia
chhungkua hi nuai bo hmak an ni ang a. An rualin tlu chhe mah ila ka pawiti
lo.” a ti a. Michaela chuan nem takin, “Chu chu Putara thil tih duh dan a
ni lo tawp ang.”
Sonny
chuan kut vai lawp pahin, “Amah ang mi ka ni lo tih chu ka hria alawm. Mahse ka
hrilh
ang che, amah pawhin a hrilh ve tur tho che chu, chet thawhna tak tak a thlen
hunah chuan
midang
te ang tho a tha ka ni, inhnaihchilhah bik hian. Sollozzo hian a hria a, Tessio
leh
Clemenza
pawhin an hre ve. Kum 19 ka nihin ‘hmingthanna dinhmun ka siam’ a, Chhungkuain
indona
a hmachhawn hnuhnung berah khan; tin, putara tanpui kawngah ka thawhhlawk hle
bawk.
Chuvangin tunah pawh hian ka lungngai lo. Kan chhungkua hian hetianga tana
pawimawh zawng zawng a nei vek a ni. Luca biak pawh theih ka duh mai
chauh a ni.” a ti a.
Michaela
chuan dilchhut takin, “Luca hi an sawi ang taka bon hi a ni em? Chutiang taka
tha
chu a ni meuh em?” a ti a. Sonny chu a bu nghat a, “Amah hi a class a sang ve hrim hrim
a ni. Tattaglia pathumte bei turin ka tir dawn a ni. Sollozzo hi chu keimah ngeiin ka
bei ang.”
Michaela chu awm nuam lo takin a che sek a. A unaupa chu a han en a.
Sonny chu a
changa
thinchhe zet ni mahse rilru tha tak a ni tih a la hre reng mai. Mi tha tak a
ni. Chutiang
zawnga
a tawng chu pangngai lo tlatin a lang a, Rome Emperor atana dah thar niawm taka
thah
tur
list a ziak tlar hmuh pawhin a tim sung sung theih hial a ni. Michaela chu heng
thil zawng
zawnga
a tel ve chiah lo chu a lawm hle, tunah a pa chu a damchhuah avangin phuba
laknaa a
inhnamhnawih
a ngai lo bawk ang. Phone chhang tein a lo tanpui ang a, thuthawn leh thuchah
keng
te pawhin. Sonny leh putara chu an inbuaipui thei ang chu, Luca Brasi a awm leh
lek phei
chuan. Chutih lai
tak chuan inkawmkhawmna pindan lama hmeichhe te ri an hria a. Lalpa leh,
tiin
Michaela chuan a ngaihtuah a, Hagen-a nupui awrawl a ang riau a ni. Kawngkhar
lamah kal nghalin a han hawng a. Awmkhawmna pindana awm zawng zawng chu
an lo ding vek a, Sofa bulah chuan Tom Hagena a lo dinga, Theresa chu a lo kuah mek
bawk, a hrilhhai hmel hle. Theresa chu a tapin a inhnit hlawp hlawp a. Michaela chuan te
ri an hriat kha hlim luattuk
avanga
Theresa-in a pasal hming a lam ri a ni tih a hre thei nghal mai a. A thlir reng
lai chuan
Hagen
chuan a nupui kut chu a kuahna ata la thlain Sofa-ah chuan a thut tir a. Za lo
zetin
Michaela
chu a nuih a, “Ka hmu che chu ka lawm e Mike, ka lawm takmeuh a ni.” a ti a. A
nupui
lo
inhnit hlawp hlawp pawh chu en tawh lovin office lamah chuan a lut ta nghal a.
Corleone chhungkuaa kum sawm chhung a chen vena kha engmah lo mai chu
a ni lo ve, tiin Michaela chuan chhung ru zetin a ngaihtuah a. Putara chuan
amahah eng emaw chu a thian fai a ni, Sonny chunga a tih angin, tiin a ngaihtuah a,
Mak tak maiin ama chung ngeiah pawh hian.