THE GODFATHER
By Mario Puzo
Letlingtu :Lallawmawma (Loma Hmar)
Bu I
Chapter 1
Amerigo Bonasera chu rorelna thu puan chhuah nghakin New York-a Criminal Court No.3-ah
chuan a thu a; A fanu nasa taka sawisatu leh a zahawmna tih chhiat tumtu te chunga phuba lakna
tur thu chu.
Judge, pa hmel tihbaiawm zet chuan a hmaa tlangval pahnih dingte chu kuthlak tum ni
awm fahranin a kawrfual ban chu a han thlep chhing a, a hmel chu a a nelawm loin mi chaldelh
tak hmel a pu a. Mahse, Amerigo Bonasera chuan chung thilah chuan dik lo awm tlatin a hria a,
mahse a hrethiam mai thei chuang lo.
“Chet dan phung chhe ber chiin in khawsa a ni,” Judge chuan a ti chher chhuai a. Ni e, ni
e, Bonasera chuan a lo ti rilru a, ramsa an ni, ramsa. Chung tlangval naupang tak pahnih, sam
khuih pial than leh hmui hmai vel fai taka ziat te pahnih chuan inchhir hmel pu zetin, an nihna a
sawi chu pawm thlap ni awm takin an lu an kun dun ngaih a.
Judge chuan a sawi chhunzawm a, “Ramhnuaia ramsa hlauhawm ber ber angin in khawsa
a ni. Kha hmeichhe khawngaihthlak tak kha hmeichhiat mipat kawnga in khawih buai lo kha in
vannei hle a ni, chu ti ni lo se thir kham chhungah kum 20 lai ka khung ngei ang che u.” A mit
hmul buk tak hnuai atang chuan Amerigo Bonasera hmai dang dal chu a va melh zauh a, chutah
a hmaa report intiang thar chu a en leh ta a. A ma duh dan kalh zawnga rilru siam ta ni awm
takin a dar a han chhin uk a. A sawi chhunzawm leh ta a.
“Mahse in la naupangin in record a tha a, chhungkaw tha tak in neih avangte leh kan dan hian a
ropuina zawng zawng nen phuba lak a duh ngai loh avangin, kum thum chhung tanina tang tur in
ni na chungin; chu hremna chu tihtawp rih a ni e,” a ti ta a.
Kum sawmli chhung mitthi sawngbawl hna a lo thawh tawhna avang chauhin beidawnna
tawpkhawk leh huatna nasa tak a pai chu Bonasera hmelah chuan a lang chhuak ta lo a ni. A fanu
hmeltha tak chu khabe ruh tliak, phuar khawm pu chungin hospitalah a la awm reng a; tunah
heng ramsa tenawm tak pahnihte hi zalen takin an awm anga maw? He rorelna hi a lem mai
chauh a lo nih vel vek kha. An nu leh pa ten hlim taka an fate an bawr lat lat chu a thlir reng a.
Oh, tunah chuan an hlim hle mai maw, an nui vel a nih saw.
Thil tuihnang kha, thur tuau bawk si hian Bonasera hrawk chu rawn hnawh chhoin,
insehruh avanga a ka chip tlat chu paltlangin a kamsirah chuan a rawn luang chhuak a, rawmawl
var phawrhin a hmui chu a hup a.
Chung tlangval pahnih te zalen tak, inring tawk taka meng chung leh hlim hmel pu taka
an lo phei lai chuan a lo ding a, anni chuan an rawn melh zauh duh chauh a. Engmah sawi lovin a
inpelhtir a, a rawmawl chuan a hmui a hup ngawt ngawt a.
Chung ramsa nu leh pate chu an lo kal ta thung a, mipa pahnih leh hmeichhia pahnih an
niin, a kum rual pui vel ni mahse amah aia inchei american zawk an ni. Zah hmel takin an rawn
melh a, mahse an mitmengah chuan hnehtu zawk intihna a lang tlat thung a ni.
Chutah Bonasera chu a insum zo ta lo, A pan phei a, aw teng chhuai hian, “Ka tah ang
hian in la tap ve ang- in fapa ten min tih tah ang hian ka la titap ve dawn che u a ni.” a ti a. A
rawmawl chuan a mit a hru a. Ukilte chuan an client te, an nu leh pate hum tum niawm taka rawn
kir leh te chu hma lamah an nawr phei a, Court police te chu Bonasera nena an inkarah chuan an
rawn tla zep thuai mai bawk a. Mahse, eng thil dang mah a thleng ta em lo va.
America-a a awm chhung zawng chuan Amerigo Banasera chuan sorkar dan
inkaihhruainaah rinna a nghat tlat thin a, a hlawhtling fo bawk. Tunah chuan a thinlung chu
huatna hlira a khat chungin, a chhungrilah chuan silai leia chung tlangval pahnihte kahhlum
ringawt ngaihtuah chung chuan, a nupui hrethiam lo taka lo ding lam chu a hawi a, “Mi a ang
maiin min siam a ni.” a ti a, a ngawi vang vanga chutah a rilru a siam fel ta a, a hnu lam tur a
ngaihtuah tawh lo.
“Dikna hlen chhuak tur chuan Don Corleone hmaa kan kun a ngai a ni.” A ti ta a
*****
Los Angeles-a Hotel Suite lar zet pakhatah chuan, Johnny Fontane chu a rui hle a, patling
pangngaiin thikna avanga an ruih leh taw pang hian. Thut mutnaah mu let derin, Scotch chu a
burin a intulh miah miah a. Zing dar li a ni tawh a, a zurui suangtuahnaah chuan a nupui pharvar
zet lo haw veleha lo thah dan tur a duang lawk vel mek a ni. A lo haw a nih phawt chuan.
A nupui hmasa call-a naupangte eng nge an an han zawh dawn chuan a tlai tawh viau mai
si a. A thian te lah a call ngam hek lo, a chhan chu a eizawnna ve chuan hniam lam a pan tlat a
ni. Zing darli vela a call avanga an hlim vel leh an fakder hun lai kha chu a awm ngei alawm
mahse tunah chuan a ning hlawm tlat tawh si a ni. Johnny Fontane-a buainain America-a
hmeichhe star lar ber ber thenkhat ngaihtuahna a tibuai tlat thin tih a ngaihtuah chuan a han nui
deuh suk a.
A bur chawpa scotch a intulh lai chuan a nupui kawngka hawng ri chu a hre ta hram a,
mahse rooma a lo luha, a hmaa a rawn din pawh chuan a thil in chu a thulh chuang lo. Hmeltha a
ti takzet a, angel ang mai hmel pu, mit dumpawl nung sar te, no nalh zet, taksa inphut mawi em
em maite chu. Cinema-ah chuan a hmeltha leh zual a. Khawvel puma mi maktaduaih za chuang
hian Margot Ashton-i hmel chu an ngaihzawn rawn a, Cinema-a hmu tur ringawt pawhin insen
an hreh ngai lo.
“Khawiah nge i kal hrep a?” tiin Johnny Fontane chuan a zawt a.
“Ka hur bo mawle.” A lo ti mai a.
A nupuiin rui lutuk anga a ngai chu a ti sual ta a ni. Johnny chu rang taka lo thovin a
hrawkah chuan a rawn rek a. Mahse hnai taka a sakhmel mawi tak te, a mitmeng dumpawl ram
mai te a hmuh chuan, a thinurna a theihnghilh leh zo ta a. A kuttum a la let lai chu Margot chuan
a lo nuihzat leh a, “Johny, hmaiah chuan ni lo, Film chang tur ka nih hi,” tiin a lo au a.
A nui hawk hawk a. Johnny chuan a dulah a hnek sak a, chhuatah a tlu ta a. Johny chu a
chungah chuan a tlu thla ve nghal a. Margot-i thawk rimtui tak mai chu a hre vang vang a. A
banah te, a mal no nalh zetah te chuan a hnek sak leh a. Hun rei tak liam tawha New York Hell’s
Kitchen hmuna rawlthar khirh zet a nih ve laia a aia naupang zawk te a sawisak thin angin a
sawisa ve a ni. Inhremna na zet si, mahse ser emaw, ha bal emaw, hnar ruh tliak emaw awm
hauh lo chi a ni.
Mahse Margot chu a tina tawk thei tlat lo, a thei lo a ni tawp. Ani chuan a lo nuih leh har
har a.
Chhuatah chuan a mu zangphar dar a, a kawrfual chu a mal chung fe thlengin a inhlim chho a;
nui har har chungin, “Ti teh, rawn thun rawh, rawn ti ta che, Chu chu i duh ber a nih kha,” tiin a
lo chhaih a.
Johnny Fontane chu a tho a, chu hmeichhia chu a haw takzet a, mahse a hmelthatna chu a
phaw tha tak a ni lawi si. Margot chu a lum sawn a, rang takin a Johny chu a hmachhawn a.
Chutah naupang ang maia lam khum chungin, “Johnny-an min tina thei lo, Johnny-an min tina
ngai lo,” tiin a chham khum a. Chutah lungngaih hmel taka awm lehin, “Nang mi mawl
khawngaihthlak pa, naupang ang maiin min atchilh a ni. Ah, Johnny, hmangaihna lamah chuan i
chhaw reng mai dawn a nih hi. Hmangaihna chen lamah lah naupang ang tho. Thil han
chawhchawrawi vel hi i sak fo thin i hla thing zet zet te ang mai khan i ngai a ni.” a lu a thing
bak bak a, “Johnny khawngaihthlak, mangtha le.” Tiin Bedroom lamah a kal a, a kawngkhar kalh
ri chu a hre chawpchilh nghal a.
Johnny chu chhuatah hmai hupin a thu a. Thangtlawmna avanga beidawnna chuan a tuam hlup
hlup a. Chutah Hollywood-ah pawh dam khaw chhuah tirtu amaha chakna awm a vang chuan
phone la a, airport lama hruai tur car a chah tir thei ta hram a.
Amah chhanhim thei chu mi pakhat chiah a awm. New York-ah a kir leh tur a ni. Mi
pakhat thiltithei zet, a finna a mamawh em em leh a innghah ngamna, Godfather Corleone
hnenah chuan a kir leh dawn a ni.
****
Chhang urtu, Nazorine, Italian chhangthawp a siam thin ang maia thau leh ut thal mai,
chhangphut la kai luai mai chu a nupui, a fanu pasal nei rual tawh Kathrine-i leh a chhang ur
lama amah puitu, Enzo te chungah chuan a lungni lo hle mai a. Enzo chu indonaah man a ni a, a
jail tang form chuan a inthlak fel thlap tawh a ni. Chu an boruak avang chuan Governor’s Island
hmuna in-report a tlai ang tih a hlau hle. Italian Army jail tang sang tam tak zinga pakhat chu
America ei leh bar thawhchhuahna lama thawk tura nitina chhuahtir thin an ni a, chu chu
tihdanglam emaw thiah a ni ang tih a hlau thei hle. Tuna nuihza fiamthu lemchan niawm tak an
chan mek chu a tan chuan a pawimawh viau a ni.
“Ka chhungkua hi i lo timualpho reng tawh em? Ka fanu hi nangmah hriatrengna tur
inthlahna thil fun te i pe tawh em? Tunah chuan indo a lo tawp ta a, America chuan Sicily rama
in khaw bawlhhlawh tak lam panin an hnawt haw tawh dawn che a ni tih i hria alawm.” Nazorine
chuan a ti hmawk hmawk a.
Enzo chu pa tawi te, sa nghet tlat mai hi a ni a. A kut chu a awmah dahin, tap lek lek,
mahse fing ru tak si hian, “Padrone, Mithianghlim Mari hmingin i ngilneihna avanga huangtau ta
ka ni lo tih ka chiang e. I fanu hi ka hmangaih em em a, zah tak chungin neih ka duh a ni.
Theihna ka nei miah lo tih chu ka hria, mahse Italy-a min thawn haw a nih chuan America-ah
hian ka lo let leh thei tawh lo ang a, Catherine hi ka nei thei ngai dawn lo a ni.” a ti a.
Nazorine-a nupui, Filomena chuan thil nihna tak chu rawn sawiin, “Heng thil atthlak hi ti tawp
teh.” a pasal hnenah chuan a ti a, “I tih tur chu i hria alawm. Enzo hi hetah awmin Long Island-a
kan unaute hnenah biru turin thawn mai rawh.”
Katherine chu a tap a. Nula pasal nei rual a ni tawhin amah pawh a thau lam a ni der tawh a.
Enzo anga pasal tur hmeltha a tawng leh tawh lo ang a, amah anga fianriala hmangaihna dik nena
khawih vel tu mipa a tawng tawh lo bawk ang, “Italy-ah chuan ka cheng ve ang.” tiin a pa chu a
te khum a, “Heta Enzo i awm tir a nih loh chuan ka tlan bo dawn a ni.”
Nazorine chuan a fanu chu nasa tih hmel zetin a en a. A lo ‘thak’ ve tawh hle a ni. Enzo-an oven
atanga chhangthawp la chhuaka a va bawh deuh laiin ani chuan a mawng vawng tha tak mai a lo
tiche vel lai a hmu tawh a. Kawng tha zawk a hmu vat a nih loh chuan he mi mawlpa hian a
chhangthawp sat ha tak chu a fanu ‘chhang urna’ -ah a thun lovang tih sawi theih a ni lo, tiin a
ngaihtuah a. Enzo chu America-a awmin Amrerica khua leh tui nihna a nei ngei tur a ni.
Chutiang thila ruahmanna siam thei chu mi pakhat chiah a awm. Godfather, Don Corleone ngei
chu.
*****
Heng mite zawng bakah midang tam tak chuan Miss Constanza Corleone te inneihnaah
sawmna duhawm tak an dawng vek a, Inneihna chu August 1945 inrinni tawp bera neih tur a ni
a. Monu pa, Don Vito Corleone chu tunah chuan Long Island-a In ropui zetah a khawsa tawh
chungin a thian hluite leh a thenawm thin te chu a theihnghilh ngai lo. Chu inah chuan inneih
lawmna chu neih a ni ang a, nilengin intihhlimna a awm dawn bawk a ni. Chu hun chu hun
pawimawh tak a ni dawn tih chu rinhlelh rual a ni lo va. Japan nena indona a lo tawp tak avangin
an fate sipaia awm te ngaihtuah avanga chu intihhlimna tibuai thei thil a awm dawn ta lo a ni.
Inneihna chu miin hlimna an tihlan theih hun a ni ve si a.
Tichuan, chu inrinni tukah chuan Don Corleone-a thiante chu New York atang chuan
amah chawimawi turin an lo kal ta hlawm a. Inneih thilpek atan cream rawng envelope-a thun
pawisa an rawn keng theuh a. Chu envelope chhungah chuan a petu hming leh Don Coleone an
zah zia ziahna lehkha a awm theuh bawk. Zahawmna a hlawha a hlawh chhuah ngei chu.
Don Vito Corleone chu tanpui mamawh ten an pan thin mi a ni a, chutianga lo kalte chu
hrilhhaiin a awm tir ngai lo. Thutiam bawhchhe mi a ni lo a, amah tih loh a chunga thuneitu ten a
kut an phuar tiin chhuanlam a siam ngai hek lo. A thian i nih kher a ngai lo a, i rulh let theih loh
kha a pawimawh ber a ni hek lo.
Thil pakhat chiah a ngai a ni. Nang, nangmah ngei khan in inthian thatna i puang tur a ni.
Chutiang titu chu eng anga rethei leh thuneihna nei lo pawh nise, Don Corleone chuan chupa
buaina chu a thinlung takin a tawmpui thin a ni. Chupa manganna sutkianna tur chuan eng thil
mahin a indal tir ngai lo. A lawmman dawn maw? Inthianthatna, dinhmun zahawm tak, ‘Don,’
nihna bakah a chang chuan chu aia inkohna duhawm zawk, ‘Godfather’ tih chu a ni mai. A
chang chuan hlawkna tel miah lovin, inzahna tihlan nan chauh - Mahni siam Wine emaw chhang
thak chi, Chrismas huna a eitur thil pek pekte pawh a tel thin. A lakah ba i nei a, thil te tham lek
ti tura koh i nih hunah i inpeih reng a ni tih lantirna nungchang mawihnai tak chauh a ni.
Tunah chuan he ni ropui tak, a fanu pasal neih niah hian Don Vito Corleone chu a in
lianpui kawngkharah chuan a mikhualte lo chhawn turin a ding a, an vai chuan hmelhriat vek, mi
rintlak tak vek an ni a. A tam ber chuan Don chunga ba nei kumkhua turte an niin hetiang ni
pawimawhah hi chuan ‘Godfather’ tia koh phu ngawih ngawihin an hria a. Chumi nia ruai
buatsaihtu takngialte pawh chu a thian te vek an ni. Bar nghaktu chu a thianhlui niin a thilpek
chu chu mi nia in tur zawng zawng bakah tuna a thawh mek chu a ni a. Waiter-te chu Don
Corleone-a fate thiante an ni bawk. Huana dawhkana eitur awmte chu Don nupui leh a thiante
siam a ni a, chu huan zau tak mawi taka lehkha cheimawi hmanga cheitute chu monu thian
kawmngeih em emte ho an ni thung.
Don Corleone chuan tu mai pawh, rethei leh hausa pawh tha takin, ngainatna angkhat
vekin a dawngsawng a. Mi tumah a entleu lem lo, chu chu a nungchang a ni tlat. A mikhualte
chuan a suit nena a nalhzia thu chu an fak sak luam hlawm a, a la hmu ngai lo tan phei chuan
amah chu moneitu tur emaw tih a awl ngei ang.
Don Corleone bulah chuan a fa pathumte zinga pahnih chu an ding ve a. A upa ber, a
laiah hming Santino, mahse a pa tih loh midang zawngin Sonny tia an koh chu Italian upa lam ho
chuan an ngaihchan leh naupang lam hovin an ngainat tak a ni a. Sonny Corleone chu Italian mi
America-a awm hmasa fate zingah chuan a sang pawl tak a ni a, feet 6 tling tep a niin a sam buk
chhap kir chiat chuan a tilang sang zual hle a ni. a hmel chu ngaihnobei lam, a hmui chhah deuh
tap chu itawm tih a hlawhin a khabea sum khuar kak awm chuan eng emaw ti zawng takin a
tilang nula mi riau mai bawk. Bawngpa ang maia chak tura siam ni mai awm a ni a. Khuarel
malsawmna dawngin a tana inhlan a nupui chuan an inneihna khum chu ringlomi ten
innghaisakna an hlauh tluk zetin a hlau hial tih chu tlang hriat a ni. Tlangkamah chuan rawlthar a
nih laiin nawhchizuar awm khawmna a tlawh fo thin a, nawhchizuar khirh ber ber leh hlauh nei
lote pawhin a thil lian zet an hmuh chuan a man let hnih an phut hial thin.
He inneihna ruai an buatsaihah pawh hian nu naupang lam, mawngbawr khal zet zet te
chuan an mitmei ru deuh ran hlawm a. Mahse hemi niah hi chuan an hun an seng thlawn mai a
ni. A nupui leh a fate pathum an awm reng chungin Sonny Corleone chuan mo thiannu, Lucy
Mancini tan chuan ruahmanna a lo siam ru daih tawh a. He nula naupang tak hi tunah chuan a
kawrfual sen dang leh a sam dum hlapa pangpara cheimawi Tiara khim chungin huana dawhkan
pakhat a kil mek a. Rehearsal neih niah Sonny nen chuan an lo inchhai zauh zauh tawh a.
tukinah maicham bulah kut an invawn sak zauh bawk. A bak chu nula tan chuan sâwn a har viau
a ni.
A pain ni tura a duh miropui tak a ni dawn lo tih hre mah se Lucy chuan a pawi ti thak lo.
Sonny Corleone chu a chak a, a huaisen bawk. A thil phalin a thinlung pawh a taksa peng
pakhat ang maia lian a ni. Chuti chungin a pa neih ang inngaihtlawmna a nei lo va, chu tiang ni
lovin a thinramna leh thinchhiatna chuan thutlukna dik tawk lo a siam tir fo bawk. Chuti chungin
a pa sumdawnnaa puitu ber a ni tho a, a pa roluahtu a ni ang tih hlau mi tam tak an awm a ni.
Don fapa pahnihna, Frederico, Fred emaw Fredo emaw tia an koh thin chu Italian zawng
zawngina an fa ni tura mithianghlimte hnena tawngtaia an dil thin chu a ni a. Tih tur ang apiang
hlen mi, rinawm leh a pa tana inpeih reng a niin, kum 30 a nih thleng pawhin a nu leh pate
hnenah a la cheng reng a ni. Pa tawi sa nghet tlet tlawt, hmeltha tia sawi tur ni lem lo mah se an
chhungkaw dangte ang thoa ngaihnobeina riau nei hi a ni a. A sam kir chhap chuan a hmai a
hliah deuh thaw a, hmui chhah deuh tap, itawm ti tana itawm tak tur a ni. Mahse amahah chuan
chutiang lam lang lovin a rum al thung a. Hmel tak ngal mai a niin a pain a rinchhan ber a ni a. A
pa thu vawikhat mah a la hnial lo va, hmeichhe laka hmingchhiatna avangin a pa a la tizak ve
hek lo. Heng zawng zawng hlutna a nei chungin midang hip theihna a nei lo a, chu chu thil
pawimawh tak, hruaitu ni tura tangkai em em si a ni. Amah pawh hi chhungkaw sumdawnna
rochuntu atana rin kai a ni lem lo.
A fapa pathumna, Michael Corleone chu a pa bulah chuan a ding ve lo va, huan kil lama
dawhkan fal berah chuan a thu a. Chuta a awm chungin an chhungkaw thiante chuan an hmuh
hmaih bik chuang lo kher mai.
Michael Corleone chu Don fapa naupang ber a niin a pa duh dan hawi zawng kalhtu
awmchhun a ni bawk. A unau dangte neih ang hmel ngaihnobei tak ang kha a nei ve lem lo a, a
sam dum hlap pawh chu kir lovin a ngil daih thung. a vun chu Olive rawng buang thak a ni a,
chu chu hmeichhe hovin nalh an ti hle a. Kawng leh lamah chuan hmeltha tia sawi theih a ni ang.
Eng emaw ti chhung chu Don ngei pawhin a fapa mipatna chu a ringhlel hman viau a. Mahse chu
a buaina chu Michaela kum 17 a nihin a reh fel ta a ni.
Tunah chuan chu fapa naupang ber chu huana dawhkan kil berah chuan a pa leh a
chhungte laka intuithlarna puang chhuak turin a thu mek a ni. A bulah chuan American nula, mi
zawng zawngin an hriat mah se tum danga an la hmuh ngai miah loh chu a thu a. Ni e, Michaela
chuan zahna lantirin a chhungte bakah inneihnaa lo kalte chu a inhmelhriat tir ngei alawm.
Mahse an ngaina tehchiam lo. a cher lutuk a, a ngo lutuk bawk. A hmel chu hmeichhia tur chuan
an fin hmel ker kawr lutuk bawk a, a nungchang chu nula ni siin a zalen mah mah bawk a ni. A
hming pawh chu, an bengah chuan a mak danglam hle bawk a; Kay Adams tiin a insawi a nih
kha. Kum zahnih chhung America-ah an chhungkua chu an awm tawh tih a hrilh chuan, an dar
an chhin ak duh chauh a ni.
Don chuan a fapa naupang ber chu a ngaihsak bik lua lo tih a mikhualte chuan an hre fur
a. Indo hma khan Michaela chu a ngainat ber niin a hun a lo thlen huna an chhungkaw
sumdawnna rochungtu tura thlan a ni ngei bawk. A pa neih ang chakna ruk leh finna, chet lak
hun hre tak leh tan chhan awm miah lo pawha mite zah kai nihna chu a nei ve tlat a ni. Mahse
Indopui II-na a lo chhuah khan Michaela chuan Marine Corps a zawm ta daih a. A pa duh dan
leh a thupek pawisa lovin chutiang chuan a ti a ni.
Ram dang rawngbawla a fapa naupang ber thi maithei dinhmuna a awm tur chu Don
Corleone duhzawng leh a sukthlek lam a ni lo kher mai. Doctorte chu tham an niin, a rukin
ruahmanna pawh siam a ni a, he hun lo thleng tur atana inven lawk nan sum tam tham tak sen ral
a ni bawk.
Mahse Michaela chu kum sawmhnih pakhat a ni ve tawh a, a duhna a tihpuitlin chu tuma
dan theih rual a ni lo. Sipaiah chuan inziaklutin Pacific Ocean-ah ral beiin a awm a. Captainah
kaisangin Medal pawh a dawng hial a ni. 1944 ah chuan a thlalak chu Life Megazine-ah tar
chhuah a ni a. Don Corleone chu a thian pakhatin Megazine chu a entir a (a chhungte chuan an
hmuh ngam miah lo a), Don chuan hmuhsit hmel taka nguk hruih pahin, “Khang a thilmak tihte
kha hmelhriat loh mikhual tana ti mai a ni.” a ti a ni.
1945 kum tir lama hliam a tawrh avanga Michaela chawlh tir a nih chuan, a pain a
chhuah theih nan ruahmanna a lo siam ang tih ngaihna reng a hre lo. In lamah kar tlem te a awm
a, chu tah tumah rawn miah lovin New Hampshire a Hanover-a awm Darmouth College a zawm
leh ta daih a. Chutiang chuan a pa In chu a chhuahsan ta a ni. Tunah a farnu pasal neihnaa tel tur
leh, a chhungte hnena a nupui la ni mai tur, Amercan nula chhe lo zet chu hmuh tir turin a lo kir
leh ta a ni.
Michael-an inneihnaa mi sawmte thawmhnaw rawng lar tak tak an rawn inbel nachhan
thawnthu tawi a hrilh chuan Kay Adams nuih a ti za hle a. Ram dang thil a hriat theihna leh thil
thar a lawmna leh hriat chakna chuan Michaela nuih a tiza ve thung a. A tawpah chuan
siamchawp wine zem an hunna bula mipa ho tlemte awm khawm let chuan Kay-i ngaihtuahna an
la peng ta a. Chung mite chu Amerigo Bonasera, Chhang siamtu Nazorine, Anthony Copolla leh
Luca Brasi te an ni. A rilru chak tak chuan chung mi palite chu an hlim fahran lem lo tih a va
hmu thei mai a. “A fala ka pa hmuh tum tute an nih saw, eng emaw dil tur an nei a ni.” Michaela
chuan a ti a. A nihna takah chuan chung mi palite mit chuan Don chu a kalna apiangah an chhui
zui reng tih chu hmuh awlsam tak a ni a.
Mikhual te lawma Don a la din reng lai chuan Chevrolet Sedan Car dum hi a piah hla
deuha Mall lungrem bulah chuan a rawn ding a. A hmaa thu mi pahnihte chuan an jacket atangin
lehkhabute an phawrh chhuak a, inthup pawh tum lem lovin chu lai mall-a car inhung ho
Liscence number chu an la ta hmiah hmiah a.
Sonny chuan a pa lam chu hawiin, “Sawng mite saw police an ni ngei ngei ang.” a ti a.
Don Corleone chuan a dar chhin uk pahin, “Kawtthler saw ka ta a ni hleinem, an duh duh an ti
thei alawm.”
Sonny-a hmel ngaihnobei tak chu thinurna avangin a sen hlur a, “Kan sawn bawkhhlawh
ho mai mai chu, eng thil mah an zah zo lo a ni maw.” a ti a, Step atang chuan mall chu kal pelin
Sedan car dum awmna lam chu a pan ta a. Thinur takin Driver awmna lamah chuan a va dak lut
a, ani chuan pawisa lo zeta a wallet phawrhin ID card hring a lo hmuh thung a. Sonny chu
engmah sawi lovin a hnungtawlh a, car hnung lam kawngkhar chu chil a chhak khum thawt a, a
kal kiang ta a. Driver chu lo chhukin rawn zui se a ti rilru hle a, mahse chutiang chu a thleng ta lo
a ni. A pa awmna step a va thlen chuan, “Sawng mite saw FBI an ni alawm, motor number ho
saw an chhinchhiah a ni, sawnchhe ho.” a pa hnenah chuan a ti a.
Don Corleone chuan tute nge an nih tih chu a hre reng a ni. A thian hnai tak tak ho chu
anmahni motor rawn hmang lo tura hrilh lawk vek an ni a, a fapain atthlak taka a thinurna a va
tilang pawh kha a pawm lo reng a, thinurna chu chhan tha tak a ni tur a ni. FBI rawn inrawlh ve
te chuan an awm ve chu rin lawk loh leh beisei loh angah an ngai dawn a ni. Don Corleone chu a
thinur tehchiam lem lo. Hun rei tak ata tawh hetianga vantlang hmuhsitna phurh theihna a lo zir
thiam tawh a, chutianga mi inngaitlawm ber berte chuan, an mit an meng a nih chuan eng anga
thiltithei chungah pawh phuba lakna hun a la awm thei a ni tih a hre tawh tlat a ni. Chu hriatna
chuan Don chu a inngaihtlawmna, a thiante zawng zawngin an ngainat phah em emna chu hloh
tur lakah a veng tlat a ni.
Tunah chuan in hnung lam huanah chuan Band-te chuan rimawi an tum tan a. Mi sawmte
zawng zawng an lo thleng kim tawh bawk a. Don chuan a rawn tibuaitute lam chu a rilru atanga
dah bovin a fate pahnih chu inneih lawmna lamah chuan a hruai ta a ni
chuan a thu a; A fanu nasa taka sawisatu leh a zahawmna tih chhiat tumtu te chunga phuba lakna
tur thu chu.
Judge, pa hmel tihbaiawm zet chuan a hmaa tlangval pahnih dingte chu kuthlak tum ni
awm fahranin a kawrfual ban chu a han thlep chhing a, a hmel chu a a nelawm loin mi chaldelh
tak hmel a pu a. Mahse, Amerigo Bonasera chuan chung thilah chuan dik lo awm tlatin a hria a,
mahse a hrethiam mai thei chuang lo.
“Chet dan phung chhe ber chiin in khawsa a ni,” Judge chuan a ti chher chhuai a. Ni e, ni
e, Bonasera chuan a lo ti rilru a, ramsa an ni, ramsa. Chung tlangval naupang tak pahnih, sam
khuih pial than leh hmui hmai vel fai taka ziat te pahnih chuan inchhir hmel pu zetin, an nihna a
sawi chu pawm thlap ni awm takin an lu an kun dun ngaih a.
Judge chuan a sawi chhunzawm a, “Ramhnuaia ramsa hlauhawm ber ber angin in khawsa
a ni. Kha hmeichhe khawngaihthlak tak kha hmeichhiat mipat kawnga in khawih buai lo kha in
vannei hle a ni, chu ti ni lo se thir kham chhungah kum 20 lai ka khung ngei ang che u.” A mit
hmul buk tak hnuai atang chuan Amerigo Bonasera hmai dang dal chu a va melh zauh a, chutah
a hmaa report intiang thar chu a en leh ta a. A ma duh dan kalh zawnga rilru siam ta ni awm
takin a dar a han chhin uk a. A sawi chhunzawm leh ta a.
“Mahse in la naupangin in record a tha a, chhungkaw tha tak in neih avangte leh kan dan hian a
ropuina zawng zawng nen phuba lak a duh ngai loh avangin, kum thum chhung tanina tang tur in
ni na chungin; chu hremna chu tihtawp rih a ni e,” a ti ta a.
Kum sawmli chhung mitthi sawngbawl hna a lo thawh tawhna avang chauhin beidawnna
tawpkhawk leh huatna nasa tak a pai chu Bonasera hmelah chuan a lang chhuak ta lo a ni. A fanu
hmeltha tak chu khabe ruh tliak, phuar khawm pu chungin hospitalah a la awm reng a; tunah
heng ramsa tenawm tak pahnihte hi zalen takin an awm anga maw? He rorelna hi a lem mai
chauh a lo nih vel vek kha. An nu leh pa ten hlim taka an fate an bawr lat lat chu a thlir reng a.
Oh, tunah chuan an hlim hle mai maw, an nui vel a nih saw.
Thil tuihnang kha, thur tuau bawk si hian Bonasera hrawk chu rawn hnawh chhoin,
insehruh avanga a ka chip tlat chu paltlangin a kamsirah chuan a rawn luang chhuak a, rawmawl
var phawrhin a hmui chu a hup a.
Chung tlangval pahnih te zalen tak, inring tawk taka meng chung leh hlim hmel pu taka
an lo phei lai chuan a lo ding a, anni chuan an rawn melh zauh duh chauh a. Engmah sawi lovin a
inpelhtir a, a rawmawl chuan a hmui a hup ngawt ngawt a.
Chung ramsa nu leh pate chu an lo kal ta thung a, mipa pahnih leh hmeichhia pahnih an
niin, a kum rual pui vel ni mahse amah aia inchei american zawk an ni. Zah hmel takin an rawn
melh a, mahse an mitmengah chuan hnehtu zawk intihna a lang tlat thung a ni.
Chutah Bonasera chu a insum zo ta lo, A pan phei a, aw teng chhuai hian, “Ka tah ang
hian in la tap ve ang- in fapa ten min tih tah ang hian ka la titap ve dawn che u a ni.” a ti a. A
rawmawl chuan a mit a hru a. Ukilte chuan an client te, an nu leh pate hum tum niawm taka rawn
kir leh te chu hma lamah an nawr phei a, Court police te chu Bonasera nena an inkarah chuan an
rawn tla zep thuai mai bawk a. Mahse, eng thil dang mah a thleng ta em lo va.
America-a a awm chhung zawng chuan Amerigo Banasera chuan sorkar dan
inkaihhruainaah rinna a nghat tlat thin a, a hlawhtling fo bawk. Tunah chuan a thinlung chu
huatna hlira a khat chungin, a chhungrilah chuan silai leia chung tlangval pahnihte kahhlum
ringawt ngaihtuah chung chuan, a nupui hrethiam lo taka lo ding lam chu a hawi a, “Mi a ang
maiin min siam a ni.” a ti a, a ngawi vang vanga chutah a rilru a siam fel ta a, a hnu lam tur a
ngaihtuah tawh lo.
“Dikna hlen chhuak tur chuan Don Corleone hmaa kan kun a ngai a ni.” A ti ta a
*****
Los Angeles-a Hotel Suite lar zet pakhatah chuan, Johnny Fontane chu a rui hle a, patling
pangngaiin thikna avanga an ruih leh taw pang hian. Thut mutnaah mu let derin, Scotch chu a
burin a intulh miah miah a. Zing dar li a ni tawh a, a zurui suangtuahnaah chuan a nupui pharvar
zet lo haw veleha lo thah dan tur a duang lawk vel mek a ni. A lo haw a nih phawt chuan.
A nupui hmasa call-a naupangte eng nge an an han zawh dawn chuan a tlai tawh viau mai
si a. A thian te lah a call ngam hek lo, a chhan chu a eizawnna ve chuan hniam lam a pan tlat a
ni. Zing darli vela a call avanga an hlim vel leh an fakder hun lai kha chu a awm ngei alawm
mahse tunah chuan a ning hlawm tlat tawh si a ni. Johnny Fontane-a buainain America-a
hmeichhe star lar ber ber thenkhat ngaihtuahna a tibuai tlat thin tih a ngaihtuah chuan a han nui
deuh suk a.
A bur chawpa scotch a intulh lai chuan a nupui kawngka hawng ri chu a hre ta hram a,
mahse rooma a lo luha, a hmaa a rawn din pawh chuan a thil in chu a thulh chuang lo. Hmeltha a
ti takzet a, angel ang mai hmel pu, mit dumpawl nung sar te, no nalh zet, taksa inphut mawi em
em maite chu. Cinema-ah chuan a hmeltha leh zual a. Khawvel puma mi maktaduaih za chuang
hian Margot Ashton-i hmel chu an ngaihzawn rawn a, Cinema-a hmu tur ringawt pawhin insen
an hreh ngai lo.
“Khawiah nge i kal hrep a?” tiin Johnny Fontane chuan a zawt a.
“Ka hur bo mawle.” A lo ti mai a.
A nupuiin rui lutuk anga a ngai chu a ti sual ta a ni. Johnny chu rang taka lo thovin a
hrawkah chuan a rawn rek a. Mahse hnai taka a sakhmel mawi tak te, a mitmeng dumpawl ram
mai te a hmuh chuan, a thinurna a theihnghilh leh zo ta a. A kuttum a la let lai chu Margot chuan
a lo nuihzat leh a, “Johny, hmaiah chuan ni lo, Film chang tur ka nih hi,” tiin a lo au a.
A nui hawk hawk a. Johnny chuan a dulah a hnek sak a, chhuatah a tlu ta a. Johny chu a
chungah chuan a tlu thla ve nghal a. Margot-i thawk rimtui tak mai chu a hre vang vang a. A
banah te, a mal no nalh zetah te chuan a hnek sak leh a. Hun rei tak liam tawha New York Hell’s
Kitchen hmuna rawlthar khirh zet a nih ve laia a aia naupang zawk te a sawisak thin angin a
sawisa ve a ni. Inhremna na zet si, mahse ser emaw, ha bal emaw, hnar ruh tliak emaw awm
hauh lo chi a ni.
Mahse Margot chu a tina tawk thei tlat lo, a thei lo a ni tawp. Ani chuan a lo nuih leh har
har a.
Chhuatah chuan a mu zangphar dar a, a kawrfual chu a mal chung fe thlengin a inhlim chho a;
nui har har chungin, “Ti teh, rawn thun rawh, rawn ti ta che, Chu chu i duh ber a nih kha,” tiin a
lo chhaih a.
Johnny Fontane chu a tho a, chu hmeichhia chu a haw takzet a, mahse a hmelthatna chu a
phaw tha tak a ni lawi si. Margot chu a lum sawn a, rang takin a Johny chu a hmachhawn a.
Chutah naupang ang maia lam khum chungin, “Johnny-an min tina thei lo, Johnny-an min tina
ngai lo,” tiin a chham khum a. Chutah lungngaih hmel taka awm lehin, “Nang mi mawl
khawngaihthlak pa, naupang ang maiin min atchilh a ni. Ah, Johnny, hmangaihna lamah chuan i
chhaw reng mai dawn a nih hi. Hmangaihna chen lamah lah naupang ang tho. Thil han
chawhchawrawi vel hi i sak fo thin i hla thing zet zet te ang mai khan i ngai a ni.” a lu a thing
bak bak a, “Johnny khawngaihthlak, mangtha le.” Tiin Bedroom lamah a kal a, a kawngkhar kalh
ri chu a hre chawpchilh nghal a.
Johnny chu chhuatah hmai hupin a thu a. Thangtlawmna avanga beidawnna chuan a tuam hlup
hlup a. Chutah Hollywood-ah pawh dam khaw chhuah tirtu amaha chakna awm a vang chuan
phone la a, airport lama hruai tur car a chah tir thei ta hram a.
Amah chhanhim thei chu mi pakhat chiah a awm. New York-ah a kir leh tur a ni. Mi
pakhat thiltithei zet, a finna a mamawh em em leh a innghah ngamna, Godfather Corleone
hnenah chuan a kir leh dawn a ni.
****
Chhang urtu, Nazorine, Italian chhangthawp a siam thin ang maia thau leh ut thal mai,
chhangphut la kai luai mai chu a nupui, a fanu pasal nei rual tawh Kathrine-i leh a chhang ur
lama amah puitu, Enzo te chungah chuan a lungni lo hle mai a. Enzo chu indonaah man a ni a, a
jail tang form chuan a inthlak fel thlap tawh a ni. Chu an boruak avang chuan Governor’s Island
hmuna in-report a tlai ang tih a hlau hle. Italian Army jail tang sang tam tak zinga pakhat chu
America ei leh bar thawhchhuahna lama thawk tura nitina chhuahtir thin an ni a, chu chu
tihdanglam emaw thiah a ni ang tih a hlau thei hle. Tuna nuihza fiamthu lemchan niawm tak an
chan mek chu a tan chuan a pawimawh viau a ni.
“Ka chhungkua hi i lo timualpho reng tawh em? Ka fanu hi nangmah hriatrengna tur
inthlahna thil fun te i pe tawh em? Tunah chuan indo a lo tawp ta a, America chuan Sicily rama
in khaw bawlhhlawh tak lam panin an hnawt haw tawh dawn che a ni tih i hria alawm.” Nazorine
chuan a ti hmawk hmawk a.
Enzo chu pa tawi te, sa nghet tlat mai hi a ni a. A kut chu a awmah dahin, tap lek lek,
mahse fing ru tak si hian, “Padrone, Mithianghlim Mari hmingin i ngilneihna avanga huangtau ta
ka ni lo tih ka chiang e. I fanu hi ka hmangaih em em a, zah tak chungin neih ka duh a ni.
Theihna ka nei miah lo tih chu ka hria, mahse Italy-a min thawn haw a nih chuan America-ah
hian ka lo let leh thei tawh lo ang a, Catherine hi ka nei thei ngai dawn lo a ni.” a ti a.
Nazorine-a nupui, Filomena chuan thil nihna tak chu rawn sawiin, “Heng thil atthlak hi ti tawp
teh.” a pasal hnenah chuan a ti a, “I tih tur chu i hria alawm. Enzo hi hetah awmin Long Island-a
kan unaute hnenah biru turin thawn mai rawh.”
Katherine chu a tap a. Nula pasal nei rual a ni tawhin amah pawh a thau lam a ni der tawh a.
Enzo anga pasal tur hmeltha a tawng leh tawh lo ang a, amah anga fianriala hmangaihna dik nena
khawih vel tu mipa a tawng tawh lo bawk ang, “Italy-ah chuan ka cheng ve ang.” tiin a pa chu a
te khum a, “Heta Enzo i awm tir a nih loh chuan ka tlan bo dawn a ni.”
Nazorine chuan a fanu chu nasa tih hmel zetin a en a. A lo ‘thak’ ve tawh hle a ni. Enzo-an oven
atanga chhangthawp la chhuaka a va bawh deuh laiin ani chuan a mawng vawng tha tak mai a lo
tiche vel lai a hmu tawh a. Kawng tha zawk a hmu vat a nih loh chuan he mi mawlpa hian a
chhangthawp sat ha tak chu a fanu ‘chhang urna’ -ah a thun lovang tih sawi theih a ni lo, tiin a
ngaihtuah a. Enzo chu America-a awmin Amrerica khua leh tui nihna a nei ngei tur a ni.
Chutiang thila ruahmanna siam thei chu mi pakhat chiah a awm. Godfather, Don Corleone ngei
chu.
*****
Heng mite zawng bakah midang tam tak chuan Miss Constanza Corleone te inneihnaah
sawmna duhawm tak an dawng vek a, Inneihna chu August 1945 inrinni tawp bera neih tur a ni
a. Monu pa, Don Vito Corleone chu tunah chuan Long Island-a In ropui zetah a khawsa tawh
chungin a thian hluite leh a thenawm thin te chu a theihnghilh ngai lo. Chu inah chuan inneih
lawmna chu neih a ni ang a, nilengin intihhlimna a awm dawn bawk a ni. Chu hun chu hun
pawimawh tak a ni dawn tih chu rinhlelh rual a ni lo va. Japan nena indona a lo tawp tak avangin
an fate sipaia awm te ngaihtuah avanga chu intihhlimna tibuai thei thil a awm dawn ta lo a ni.
Inneihna chu miin hlimna an tihlan theih hun a ni ve si a.
Tichuan, chu inrinni tukah chuan Don Corleone-a thiante chu New York atang chuan
amah chawimawi turin an lo kal ta hlawm a. Inneih thilpek atan cream rawng envelope-a thun
pawisa an rawn keng theuh a. Chu envelope chhungah chuan a petu hming leh Don Coleone an
zah zia ziahna lehkha a awm theuh bawk. Zahawmna a hlawha a hlawh chhuah ngei chu.
Don Vito Corleone chu tanpui mamawh ten an pan thin mi a ni a, chutianga lo kalte chu
hrilhhaiin a awm tir ngai lo. Thutiam bawhchhe mi a ni lo a, amah tih loh a chunga thuneitu ten a
kut an phuar tiin chhuanlam a siam ngai hek lo. A thian i nih kher a ngai lo a, i rulh let theih loh
kha a pawimawh ber a ni hek lo.
Thil pakhat chiah a ngai a ni. Nang, nangmah ngei khan in inthian thatna i puang tur a ni.
Chutiang titu chu eng anga rethei leh thuneihna nei lo pawh nise, Don Corleone chuan chupa
buaina chu a thinlung takin a tawmpui thin a ni. Chupa manganna sutkianna tur chuan eng thil
mahin a indal tir ngai lo. A lawmman dawn maw? Inthianthatna, dinhmun zahawm tak, ‘Don,’
nihna bakah a chang chuan chu aia inkohna duhawm zawk, ‘Godfather’ tih chu a ni mai. A
chang chuan hlawkna tel miah lovin, inzahna tihlan nan chauh - Mahni siam Wine emaw chhang
thak chi, Chrismas huna a eitur thil pek pekte pawh a tel thin. A lakah ba i nei a, thil te tham lek
ti tura koh i nih hunah i inpeih reng a ni tih lantirna nungchang mawihnai tak chauh a ni.
Tunah chuan he ni ropui tak, a fanu pasal neih niah hian Don Vito Corleone chu a in
lianpui kawngkharah chuan a mikhualte lo chhawn turin a ding a, an vai chuan hmelhriat vek, mi
rintlak tak vek an ni a. A tam ber chuan Don chunga ba nei kumkhua turte an niin hetiang ni
pawimawhah hi chuan ‘Godfather’ tia koh phu ngawih ngawihin an hria a. Chumi nia ruai
buatsaihtu takngialte pawh chu a thian te vek an ni. Bar nghaktu chu a thianhlui niin a thilpek
chu chu mi nia in tur zawng zawng bakah tuna a thawh mek chu a ni a. Waiter-te chu Don
Corleone-a fate thiante an ni bawk. Huana dawhkana eitur awmte chu Don nupui leh a thiante
siam a ni a, chu huan zau tak mawi taka lehkha cheimawi hmanga cheitute chu monu thian
kawmngeih em emte ho an ni thung.
Don Corleone chuan tu mai pawh, rethei leh hausa pawh tha takin, ngainatna angkhat
vekin a dawngsawng a. Mi tumah a entleu lem lo, chu chu a nungchang a ni tlat. A mikhualte
chuan a suit nena a nalhzia thu chu an fak sak luam hlawm a, a la hmu ngai lo tan phei chuan
amah chu moneitu tur emaw tih a awl ngei ang.
Don Corleone bulah chuan a fa pathumte zinga pahnih chu an ding ve a. A upa ber, a
laiah hming Santino, mahse a pa tih loh midang zawngin Sonny tia an koh chu Italian upa lam ho
chuan an ngaihchan leh naupang lam hovin an ngainat tak a ni a. Sonny Corleone chu Italian mi
America-a awm hmasa fate zingah chuan a sang pawl tak a ni a, feet 6 tling tep a niin a sam buk
chhap kir chiat chuan a tilang sang zual hle a ni. a hmel chu ngaihnobei lam, a hmui chhah deuh
tap chu itawm tih a hlawhin a khabea sum khuar kak awm chuan eng emaw ti zawng takin a
tilang nula mi riau mai bawk. Bawngpa ang maia chak tura siam ni mai awm a ni a. Khuarel
malsawmna dawngin a tana inhlan a nupui chuan an inneihna khum chu ringlomi ten
innghaisakna an hlauh tluk zetin a hlau hial tih chu tlang hriat a ni. Tlangkamah chuan rawlthar a
nih laiin nawhchizuar awm khawmna a tlawh fo thin a, nawhchizuar khirh ber ber leh hlauh nei
lote pawhin a thil lian zet an hmuh chuan a man let hnih an phut hial thin.
He inneihna ruai an buatsaihah pawh hian nu naupang lam, mawngbawr khal zet zet te
chuan an mitmei ru deuh ran hlawm a. Mahse hemi niah hi chuan an hun an seng thlawn mai a
ni. A nupui leh a fate pathum an awm reng chungin Sonny Corleone chuan mo thiannu, Lucy
Mancini tan chuan ruahmanna a lo siam ru daih tawh a. He nula naupang tak hi tunah chuan a
kawrfual sen dang leh a sam dum hlapa pangpara cheimawi Tiara khim chungin huana dawhkan
pakhat a kil mek a. Rehearsal neih niah Sonny nen chuan an lo inchhai zauh zauh tawh a.
tukinah maicham bulah kut an invawn sak zauh bawk. A bak chu nula tan chuan sâwn a har viau
a ni.
A pain ni tura a duh miropui tak a ni dawn lo tih hre mah se Lucy chuan a pawi ti thak lo.
Sonny Corleone chu a chak a, a huaisen bawk. A thil phalin a thinlung pawh a taksa peng
pakhat ang maia lian a ni. Chuti chungin a pa neih ang inngaihtlawmna a nei lo va, chu tiang ni
lovin a thinramna leh thinchhiatna chuan thutlukna dik tawk lo a siam tir fo bawk. Chuti chungin
a pa sumdawnnaa puitu ber a ni tho a, a pa roluahtu a ni ang tih hlau mi tam tak an awm a ni.
Don fapa pahnihna, Frederico, Fred emaw Fredo emaw tia an koh thin chu Italian zawng
zawngina an fa ni tura mithianghlimte hnena tawngtaia an dil thin chu a ni a. Tih tur ang apiang
hlen mi, rinawm leh a pa tana inpeih reng a niin, kum 30 a nih thleng pawhin a nu leh pate
hnenah a la cheng reng a ni. Pa tawi sa nghet tlet tlawt, hmeltha tia sawi tur ni lem lo mah se an
chhungkaw dangte ang thoa ngaihnobeina riau nei hi a ni a. A sam kir chhap chuan a hmai a
hliah deuh thaw a, hmui chhah deuh tap, itawm ti tana itawm tak tur a ni. Mahse amahah chuan
chutiang lam lang lovin a rum al thung a. Hmel tak ngal mai a niin a pain a rinchhan ber a ni a. A
pa thu vawikhat mah a la hnial lo va, hmeichhe laka hmingchhiatna avangin a pa a la tizak ve
hek lo. Heng zawng zawng hlutna a nei chungin midang hip theihna a nei lo a, chu chu thil
pawimawh tak, hruaitu ni tura tangkai em em si a ni. Amah pawh hi chhungkaw sumdawnna
rochuntu atana rin kai a ni lem lo.
A fapa pathumna, Michael Corleone chu a pa bulah chuan a ding ve lo va, huan kil lama
dawhkan fal berah chuan a thu a. Chuta a awm chungin an chhungkaw thiante chuan an hmuh
hmaih bik chuang lo kher mai.
Michael Corleone chu Don fapa naupang ber a niin a pa duh dan hawi zawng kalhtu
awmchhun a ni bawk. A unau dangte neih ang hmel ngaihnobei tak ang kha a nei ve lem lo a, a
sam dum hlap pawh chu kir lovin a ngil daih thung. a vun chu Olive rawng buang thak a ni a,
chu chu hmeichhe hovin nalh an ti hle a. Kawng leh lamah chuan hmeltha tia sawi theih a ni ang.
Eng emaw ti chhung chu Don ngei pawhin a fapa mipatna chu a ringhlel hman viau a. Mahse chu
a buaina chu Michaela kum 17 a nihin a reh fel ta a ni.
Tunah chuan chu fapa naupang ber chu huana dawhkan kil berah chuan a pa leh a
chhungte laka intuithlarna puang chhuak turin a thu mek a ni. A bulah chuan American nula, mi
zawng zawngin an hriat mah se tum danga an la hmuh ngai miah loh chu a thu a. Ni e, Michaela
chuan zahna lantirin a chhungte bakah inneihnaa lo kalte chu a inhmelhriat tir ngei alawm.
Mahse an ngaina tehchiam lo. a cher lutuk a, a ngo lutuk bawk. A hmel chu hmeichhia tur chuan
an fin hmel ker kawr lutuk bawk a, a nungchang chu nula ni siin a zalen mah mah bawk a ni. A
hming pawh chu, an bengah chuan a mak danglam hle bawk a; Kay Adams tiin a insawi a nih
kha. Kum zahnih chhung America-ah an chhungkua chu an awm tawh tih a hrilh chuan, an dar
an chhin ak duh chauh a ni.
Don chuan a fapa naupang ber chu a ngaihsak bik lua lo tih a mikhualte chuan an hre fur
a. Indo hma khan Michaela chu a ngainat ber niin a hun a lo thlen huna an chhungkaw
sumdawnna rochungtu tura thlan a ni ngei bawk. A pa neih ang chakna ruk leh finna, chet lak
hun hre tak leh tan chhan awm miah lo pawha mite zah kai nihna chu a nei ve tlat a ni. Mahse
Indopui II-na a lo chhuah khan Michaela chuan Marine Corps a zawm ta daih a. A pa duh dan
leh a thupek pawisa lovin chutiang chuan a ti a ni.
Ram dang rawngbawla a fapa naupang ber thi maithei dinhmuna a awm tur chu Don
Corleone duhzawng leh a sukthlek lam a ni lo kher mai. Doctorte chu tham an niin, a rukin
ruahmanna pawh siam a ni a, he hun lo thleng tur atana inven lawk nan sum tam tham tak sen ral
a ni bawk.
Mahse Michaela chu kum sawmhnih pakhat a ni ve tawh a, a duhna a tihpuitlin chu tuma
dan theih rual a ni lo. Sipaiah chuan inziaklutin Pacific Ocean-ah ral beiin a awm a. Captainah
kaisangin Medal pawh a dawng hial a ni. 1944 ah chuan a thlalak chu Life Megazine-ah tar
chhuah a ni a. Don Corleone chu a thian pakhatin Megazine chu a entir a (a chhungte chuan an
hmuh ngam miah lo a), Don chuan hmuhsit hmel taka nguk hruih pahin, “Khang a thilmak tihte
kha hmelhriat loh mikhual tana ti mai a ni.” a ti a ni.
1945 kum tir lama hliam a tawrh avanga Michaela chawlh tir a nih chuan, a pain a
chhuah theih nan ruahmanna a lo siam ang tih ngaihna reng a hre lo. In lamah kar tlem te a awm
a, chu tah tumah rawn miah lovin New Hampshire a Hanover-a awm Darmouth College a zawm
leh ta daih a. Chutiang chuan a pa In chu a chhuahsan ta a ni. Tunah a farnu pasal neihnaa tel tur
leh, a chhungte hnena a nupui la ni mai tur, Amercan nula chhe lo zet chu hmuh tir turin a lo kir
leh ta a ni.
Michael-an inneihnaa mi sawmte thawmhnaw rawng lar tak tak an rawn inbel nachhan
thawnthu tawi a hrilh chuan Kay Adams nuih a ti za hle a. Ram dang thil a hriat theihna leh thil
thar a lawmna leh hriat chakna chuan Michaela nuih a tiza ve thung a. A tawpah chuan
siamchawp wine zem an hunna bula mipa ho tlemte awm khawm let chuan Kay-i ngaihtuahna an
la peng ta a. Chung mite chu Amerigo Bonasera, Chhang siamtu Nazorine, Anthony Copolla leh
Luca Brasi te an ni. A rilru chak tak chuan chung mi palite chu an hlim fahran lem lo tih a va
hmu thei mai a. “A fala ka pa hmuh tum tute an nih saw, eng emaw dil tur an nei a ni.” Michaela
chuan a ti a. A nihna takah chuan chung mi palite mit chuan Don chu a kalna apiangah an chhui
zui reng tih chu hmuh awlsam tak a ni a.
Mikhual te lawma Don a la din reng lai chuan Chevrolet Sedan Car dum hi a piah hla
deuha Mall lungrem bulah chuan a rawn ding a. A hmaa thu mi pahnihte chuan an jacket atangin
lehkhabute an phawrh chhuak a, inthup pawh tum lem lovin chu lai mall-a car inhung ho
Liscence number chu an la ta hmiah hmiah a.
Sonny chuan a pa lam chu hawiin, “Sawng mite saw police an ni ngei ngei ang.” a ti a.
Don Corleone chuan a dar chhin uk pahin, “Kawtthler saw ka ta a ni hleinem, an duh duh an ti
thei alawm.”
Sonny-a hmel ngaihnobei tak chu thinurna avangin a sen hlur a, “Kan sawn bawkhhlawh
ho mai mai chu, eng thil mah an zah zo lo a ni maw.” a ti a, Step atang chuan mall chu kal pelin
Sedan car dum awmna lam chu a pan ta a. Thinur takin Driver awmna lamah chuan a va dak lut
a, ani chuan pawisa lo zeta a wallet phawrhin ID card hring a lo hmuh thung a. Sonny chu
engmah sawi lovin a hnungtawlh a, car hnung lam kawngkhar chu chil a chhak khum thawt a, a
kal kiang ta a. Driver chu lo chhukin rawn zui se a ti rilru hle a, mahse chutiang chu a thleng ta lo
a ni. A pa awmna step a va thlen chuan, “Sawng mite saw FBI an ni alawm, motor number ho
saw an chhinchhiah a ni, sawnchhe ho.” a pa hnenah chuan a ti a.
Don Corleone chuan tute nge an nih tih chu a hre reng a ni. A thian hnai tak tak ho chu
anmahni motor rawn hmang lo tura hrilh lawk vek an ni a, a fapain atthlak taka a thinurna a va
tilang pawh kha a pawm lo reng a, thinurna chu chhan tha tak a ni tur a ni. FBI rawn inrawlh ve
te chuan an awm ve chu rin lawk loh leh beisei loh angah an ngai dawn a ni. Don Corleone chu a
thinur tehchiam lem lo. Hun rei tak ata tawh hetianga vantlang hmuhsitna phurh theihna a lo zir
thiam tawh a, chutianga mi inngaitlawm ber berte chuan, an mit an meng a nih chuan eng anga
thiltithei chungah pawh phuba lakna hun a la awm thei a ni tih a hre tawh tlat a ni. Chu hriatna
chuan Don chu a inngaihtlawmna, a thiante zawng zawngin an ngainat phah em emna chu hloh
tur lakah a veng tlat a ni.
Tunah chuan in hnung lam huanah chuan Band-te chuan rimawi an tum tan a. Mi sawmte
zawng zawng an lo thleng kim tawh bawk a. Don chuan a rawn tibuaitute lam chu a rilru atanga
dah bovin a fate pahnih chu inneih lawmna lamah chuan a hruai ta a ni
Ngaihnawm hle mai...
ReplyDeleteNi ee, lo chhiar zel dawnniaa...
Delete