mizoram news : ZPM chuan dan pawisalo te inthiar fihlim turin an chah

 

        Zoram People's Movement(ZPM) chuan ni 24.2.2023 khan Aizawl Transport Directorate bulah muallai inkhawm an buatsaiha, ram hruaitu hlemhletna leh dan pawisalo te chu an hna atanga bang ngam turin an ti a ni. ZPM mual inkhawm ah hian RESOLUTION an siam a, CM Zoramthanga kaihhruaina hnuaia dan pawisalo te chu Dan rorelna nghak kherloa anmahni inthiar fihlim turin an ti a ni.

        ZPM resolution siam te:

1.  Mizoram Legislative Assembly session neih mekah dik leh huaisen taka kan Leader Pu Lalduhawma chet dan hi chhuanawm kan ti a, kan thlawp zel ang.
2.  Pu Zoramthanga kaihhruai mizoram Sawrkara minister zingah hlemhletna leh dan pawisa loa che an awm hi kan hrethiam thei lo. Dan rorelna nghak kherloa anmahni chhia leh tha hriatna hmanga inthiarfihlim nachang hre turin kan beisei.
3.  Kan ramah hriselna leh zirna ngaipawimawh theilo khawpa mimal inhaivur leh hleih neihna hi kan duhlo. Ram hmasawnna tur mimal sum siamnaa hmang Sawrkar hi bang turin kan phut a ni.
4.  Kan ramah rorelna dik leh tha, mipui huapzo sawrkar din anih theih nan kan bei zel ang.